काठमाडौं । सरकारले साउन २२ बिहिबारदेखि कोरोना भाइरसको जोखिम बढेको भन्दै जोरविजोर प्रणाली लागू गरेको छ।
गृह मन्त्रालयले बुधबार विज्ञप्ति जारी गर्दै जोरबिजोर लागू भएका स्थानमा बेलुका ९ बजेदेखि बिहान ५ बजेसम्म आवागमन बन्द गर्ने निर्णय भएको पनि जनाएको छ ।
काठमाडौं उपत्यका सहित २ सयभन्दा बढी कोरोना संक्रमित भएको जिल्लामा जोरविजोर प्रणाली लगाउने निर्णय गरेको हो।
मन्त्रायलका प्रवक्ता चक्रबहादुर बुढाले जारी गरेको विज्ञप्तीमा उपत्यका प्रवेश गर्ने अत्यावश्यकभन्दा बाहेकका सवारी साधनलाई बेलुका ७ बजेदखि विहान ७ बजेसम्म रोक लगाउने निर्णयलाई प्रभावकारी बनाउने निर्णय गरिएको उल्लेख छ।
सरकारले गत असार २६ असारबाट निजी सवारी साधनको जोरविजोर हटाएको थियो र उपत्यकामा तीन जिल्ला र बाहिर जिल्लाभित्र लागु हुनेगरी सार्वजनिक यातायात सञ्चालन गर्न अनुमति दिएको थियो । तर कोरोना भाइरसको संक्रमण वढ्दै गएपछि सरकारले पुन जोरविजोर प्रणाली लागु गरेको हो ।
