अमिर मैंया रञ्जित, नेवाः सूचना केन्द्र । नेवारहरको राष्ट्रिय संगठन नेवाः देय् दबूको २६ औं जन्मोत्सोव मनाउने क्रम शनिबार पनि जारी नै रह्याे ।
जूममार्फत देय् दबूकाे काठमाडाैं जिल्ला कमिटिले शुभकामना आदान प्रदान कार्यक्रम सम्पन्न गरेकाे छ ।
मचाराजा महर्जनको अध्यक्षतामा भएको उक्त शुभकामना आदान प्रदान कार्यक्रममा दबूका केन्द्रीय अध्यक्ष नरेश ताम्राकार मुख्य अतिथिका रुपमा उपस्थिति जनाएका थिए ।
कार्यक्रममा दबूका महिला कमिटीका अध्यक्ष रश्मिला प्रजापति, काठमाडौं जिल्लाका निबर्तमान अध्यक्ष न्हुच्छे महर्जन, ज्यापु महागुथिका अध्यक्ष राजभाई जकःमिले आ–आफ्नो शुभकामना मन्तब्य राखेका थिए ।
शुभकामना आदान प्रदान कार्यक्रममा अधिकांश सहभागिहरुले नेवाःहरुको हक-अधिकार, जग्गा-जमीन, गुथि, संस्कृति, परम्परालाई सुरक्षित राख्नको लागि दबूले धेरै भन्दा धेरै संगठन विस्तार गर्नु पर्ने धारणा राखेका थिए ।
विभिन्न ब्यक्तित्वबाट सांगितिक प्रस्तुतीसमेत रहेको उक्त कार्यक्रममा दबूले व्यवस्थित तवरले शाखा एवं कमिति बढाउँदै लैजानु पर्नेमा सहभागीहरुले जोड दिए ।
धनबहादुर तिमिलाले सञ्चालन गरेको उक्त कार्यक्रममा शान्तबीर सिंह तुलाधरलगायतले शुभकामना मन्तब्य राखेका थिए ।
