काठमाडाैं, असार १४ । सरकारी जग्गा अतिक्रमण गरी निर्माण गरिएकाे भन्दै प्रहरीले अनामनगरमा टहरा भत्काएको छ।
काठमाडौंं महानगरपालिकाले हाम्रो टिम नेपालले प्रयोग गर्दै आएको अनामनगरको सरकारी जग्गा खाली गराएको छ ।
अनामनगरको युनियन हाउससँगै रहेको सरकारी जग्गा १ वर्षदेखि जबरजस्ती भोगचलन गर्दै आएको र पटकपटक ताकेता गर्दा पनि खाली नगरको भन्दै महानगरले जग्गा खाली गराएको हो ।
सो क्रममा महानगरले उक्त जग्गामा रहेको टहरा समेत भत्काएको छ । खाली गराउने क्रममा प्रहरीले हाम्रो टिम नेपालका अभियन्ता विमल पन्त लगाएतका अभियान्ताहरूलाई टहरा खाली गराउने क्रममा अवरोध गरेकाले नियन्त्रणमा लिएको काठमाडौंका प्रहरी प्रमुख एसएसपी अशोक सिंहले जानकारी दिए ।
सार्वजनिक जग्गालाई खुला छाड्ने र हरियाली पार्क निर्माण गर्न महानगरपालिकाले खाली गराउन खोजेको उक्त सरकारी जग्गा कब्जा गरेको आरोपमा हाम्रो टिमका १८ जना सदस्यलाई प्रहरीले पक्राउ गरेको थियो।
उक्त जग्गा प्रयोगका बारेमा स्थानीय र हाम्रो टिम नेपालबीच विवादसमेत भएको थियो । हाम्रो टिम नेपालले निषेधाज्ञाका समयमा विपन्न नागरिकहरूलाई खाना खुवाउने, लत्ता कपडा वितरण गर्ने अभियान सञ्चालन गर्दै आएको थियो ।
