फास्ट ट्रायक र जिरो प्वाइन्ट महानगर बाहिर डुकुछापमा लैजाउ : नेवाः राष्ट्रिय मुक्ति माेर्चा

२० असार, काठमाडाैं ।

असार २० गते ‘धान उत्पादनमा वृद्धि, आत्मनिर्भरता र समृद्धि’नाराको ठीक विपरित ललितपुरस्थित खोकनाको सुडोलस्थित आफ्नै खेतमा धान रोपाइँ गर्न गएका किसानहरुलाई सरकारपक्षले अवरोध जनाएको थियो ।

उक्त दिन शसस्त्र प्रहरीले लाठी चार्ज, टियर ग्याँस र हवाई फायरसमेत गरी रोपाह किसानहरूमाथि अमानवीय दमन गरिएकोमा नेवाः राष्ट्रिय मुक्ति मोर्चाले बिज्ञप्ति मार्फत घोर भत्सर्ना गरेको छ । दमनमा निहत्था दर्जनौं किसानहरुलाई घाइते बनाइएकोमा घोर आपत्ति जनाउँदै निशुल्क उपचार गर्नुपर्ने माग राखेको छ ।

खोनाको सिकालीस्थित सिडोलमा फास्ट ट्रायकको जिरो प्वाइन्ट राख्नेक्रममा १०० मिटर र थप फेरी ५० मिटर अधिग्रहण गर्ने योजन सरकारले स्वीकृत गरेको छ । डिपिआर तथा लगानीकर्ता गोप्य राखिएको तर राष्ट्रिय योजना नामांकन गरि नेपाली सेनालाई निर्माणको जिम्मा दिइको छ । सेनाको काम भनेको देशको सीमाको रक्षा गर्नु हो, ठेक्का पट्टा गर्नु होइन र साथै खोनामा जिरो प्वाइन्ट राख्न लगाउनुमा विभिन्न जग्गाको दलालहरुसँग मिलि भगतमा सेनाले जग्गाको प्लटिङलाई समेत जग्गा अधिग्रहण गरेकोमा नेवाः मुक्ति मोर्चाले आफ्नो विज्ञप्तिमार्फत विरोध जनाएको छ ।

खोनामा जिरो प्वाइन्ट बनाउँदा बुंग र खोनाको खेतीयोग्य जमिनका साथै साँस्कृतिक सम्पदा विनास भई खोनावासीहरु आफ्नो भएभरको जायजेठा गुमाएर किसानी तथा साँस्कृतिक जीवन त्याग्नु पर्ने हुन्छ । विकास निर्माणको नाममा विश्वको कुनैपनि ठाउँ जहाँ साँस्कृतिक सम्पदाले भरिएको छ त्यहाँ फास्ट ट्रायक र त्यसको जिरो प्वाइन्ट बनाउन नपाउने विश्वव्यापि नियम भएको विज्ञप्तिमा उल्लेख गरिएको छ ।

नेवाः मुक्तिमोर्चाको अध्यक्ष पवनमान श्रेष्ठले जारी गरेको विज्ञप्तिमा नेपाल सरकारले जग्गा दलाल र सेनाको मिलिभगतमा विश्वव्यापि नियमलाई अवहेलना गरी साँस्कृतिक सम्पदा क्षेत्र र महानगरभित्र नै फास्ट ट्रायक र जिरो प्वाइन्ट बनाउने ढृष्टता गरेकोमा घाेर भत्सर्ना गर्दै फास्ट ट्रायक र जिरो प्वाइन्ट महानगर बाहिर डुकुछापमा लैजान जोरदार माग गरेको छ ।

Leave a Reply

Your email address will not be published. Required fields are marked *