कफ्यूको समयावधी सकिन नपाउँदै अर्को आदेश

छ दिनसम्म पाँचजनाभन्दा बढी भेला हुन नपाइने

काठमाडाैं । बुंगदेवको जात्रा गर्न नसक्ने अवस्थामा सिर्जना भएपछि आज क्षमापूजा गरेको छ । शुक्रबार कफ्र्यूको बीच क्षमापूजा सम्पन्न भएको हो ।

विभिन्न जातीय समूहको संयुक्त बैठकबाट जारी भएको निर्णयअनुसार बुंगदेवको जात्रा स्थागित गरिएको हो । निर्णयअनुसार कोभिड संक्रमणलाई ध्यानमा राखेर हाल रथ भएको स्थानमा छोटकरीमा सबै विधि प्रक्रिया पूरा गरी जात्रा सम्पन्न गरिने छ ।

बैठकबाट जारी भएको निर्णयअनुसार आज क्षमापूजा सम्पन्न भइसकेको छ । निर्णयअनुसार आइतबार २१ गते सोह्रखुट्टेपाटीसम्म रथ तानेर छ्वयलाभू गरिन्छ । त्यस्तै २२ गते भुज्याः मनाउने र साइत हेराएर बुंगदेवलाई बुंगमति लैजानेछ ।

बिहीबार बुंगदेवको रथ तान्नुपर्छ भनी स्थानीय जनताले रथ तान्न थालेपछि प्रहरीले हस्तक्षेप गरी रथलाई आफ्नो नियन्त्रणमा लिएको थियो । स्थानीय र प्रहरीबीचको झडपपश्चात सयौं मानिसहरू निस्केपछि शुक्रबार प्रशासनले कर्फ्यू आदेश जारी गरेको थियो।

बिहिबार रातिदेखि जारी गरेको कफ्र्यूको समयावधी सकिन नपाउँदै ललितपुरमा महानगरपालिकाभित्र ६ दिनसम्म ५ जनाभन्दा बढी भेला हुन नपाउने भनी अर्को सुचना जिल्ला प्रशासन कार्यालयले निकालेको छ ।

रातो मच्छिन्द्रनाथ रथ रहेको आसपास क्षेत्र पूर्व मदन स्मारक स्कुल अगाडिको चोक, पश्चिममा ललितपुर महानगरपालिका कार्यालय, दक्षिणमा सेन्ट जेभियर्स स्कुल अगाडिको चोक ९अल्का मोड० र उत्तरमा बखुण्डोल चोकमा भेला(जम्मा हुन पाइने छैन।

यस्तै, मीननाथको रथ रहेको आसपास क्षेत्र पूर्वमा मंगलबजार चोक, पश्चिममा मदन स्मारक स्कुलअगाडिको चोक, दक्षिणमा पूर्णचन्डी मन्दिर र उत्तरमा पिपवहालसम्म भेला जम्मा हुन पाइने छैन।

Leave a Reply

Your email address will not be published. Required fields are marked *