Author: अनश्वी सिंह

रोग प्रतिरोधात्मक क्षमता हाम्रो शरीरकाे अंगरक्षक हो। यसले निरन्तर शरीरलाई आन्तरिक र बाह्य आक्रमणबाट जोगाउँछ। राेग प्रतिराेधात्मक (प्रतिरक्षा) प्रणालीको काम धेरैजसाे देखिन्दैन तर, यसले प्रतिरक्षा प्रणाली सक्रिय गराएर ब्याक्टेरिया, परजीवी र भाइरसहरू जस्ता रोगजनकहरूबाट हुने संक्रमण, विषाक्त पदार्थ र सूजनहरू विरुद्ध लड्दै भित्रभित्रै चुपचाप काम गरिरहेकाे हुन्छ। रुघाखोकी जस्ता रोगहरूबाट बच्नकाे लागि हाम्रो प्रतिरक्षा प्रणाली बलियो भएकाे सुनिश्चित हुनुपर्छ । खराब पोषण, वातावरणीय प्रभाव र हामीले छानेकाे गलत जीवनशैलीका कारण रोग प्रतिरोधात्मक क्षमतालाई कमजोर हुने गर्छ । संसारमा COVID-19 भाइरस जस्ता नयाँ संक्रमणहरू लगातार बढिरहेको छ। यसबाट बच्नकाे लागि बलियो प्रतिरक्षा प्रणाली हुनु जरूरी छ। प्रतिरक्षा प्रणाली बलियाे भनेको बलियो रक्षात्मक पर्खाल निर्माण गर्नु जस्तै हो। हामीलाई प्रतिरक्...