चार्ल्स शोभराजलाई डिपोर्ट गरियो, १० वर्ष नेपाल आउन नपाउने

हत्या अभियोगमा कैद भुक्तान गरि  रिहा भएका फ्रान्सेली नागरिक चार्ल्स शोभराजलाई फ्रान्स डिपोर्ट गरिएकाे छ ।

काठमाडौंबाट फ्रान्स प्रस्थान गर्ने विमानबाट शुक्रबार फ्रेन्च सिरियल किलर चार्ल्स शोभराज डिपाेर्ट गरिएकाे छ ।

शुक्रबार चार्ल्सलाइ १० वर्षसम्म नेपाल आउन नपाउने गरी डिपाेर्ट गरिएकाे हाे ।

सर्वाेच्च अदालतको आदेशानुसार फ्रान्सेली नागरिक चार्ल्स शोभराजलाई १० वषसम्म नेपाल आउन नपाउने गरी आज डिपोर्ट गरिएको छ ।

अध्यागमन विभागका निमित्त महानिर्देशक प्रदर्शनी कुमारीका अनुसार शुक्रबार उनलाई कतार एयरवेजमार्फत फ्रान्स पठाइएको हो ।

सर्वाेच्च अदालतको आदेशपछि कैदमुक्त भएका शोभराजलाई आजै केन्द्रीय कारागारबाट रिहा गरिएको थियो ।
कारागार विभागका सूचना अधिकारी रामचन्द्र शिवाकोटीले केन्द्रीय कारागारबाट उनलाई रिहा गरी शुक्रबार बिहान अध्यागमन विभागको जिम्मा लगाएको र त्यसपछिका सबै प्रक्रिया अध्यागमनले नै गरेको जानकारी दिए ।

सर्वाेच्चको आदेशमा उनलाई १५ दिनभित्रै डिपोर्ट (नेपाल छाड्न) आदेश दिएको थियो । उनीमाथि दुई विदेशी नागरिकको हत्या र नक्कली राहदानी प्रयोग गरेको मुद्दामा दोषी ठहर भई सर्वस्वसहित जन्मकैदको आदेश भएको थियो । उनलाई प्रहरीले विसं २०६० सालमा पक्राउ गरेको थियो ।

Leave a Reply

Your email address will not be published.

%d bloggers like this: