कामपा वडा २५ को अध्यक्षमा डंगोल निर्वाचित : वडाको दलित महिला सदस्य पद खाली 

काठमाडौँ महानगरको वडा नं. २५ को अध्यक्ष पदमा नेपाली कांग्रेसका उम्मेदवार राजेश डंगोल निर्वाचित हुनुभएको छ । गएको बै्रशाख ३० गते सम्पन्न स्थानीय तह निर्वाचन २०७९ को परिणाम घोषणा गर्दै आज मुख्य निर्वाचन अधिकृतको कार्यालय काठमाडौँले यस सम्बन्धी जानकारी दिएको हो । डंगोलले ९१३ मत प्राप्त गर्नुभउको छ । उहाँका निकटतम प्रतिस्पर्धी नेकपा एकीकृत समाजवादीका बाबुराजा महर्जनले ८०१ मत प्राप्त गर्नुभएको छ । 

वडाको महिला सदस्यमा १ हजार ११७ मत ल्याएर रुपा प्रजापती, वडा सदस्य पदमा ९३५ मत ल्याएर कृष्ण प्रजापती र ९३२ मत ल्याएर लिनोदवीर सिंह तुलाधर निर्वाचित हुनुभएको छ । उहाँहरु नेपाली कांग्रेसको उम्मेदवारका रुपमा चुनावी प्रतिस्पर्धामा हुनुहुन्थ्यो । 

वडाको दलित महिला सदस्य पदमा कसैको पनि उम्मेदवारी नपरेकाले पद खाली नै छ । 

वडाध्यक्ष पदका लागि ४ जना स्वतन्त्रसहित ९ जनाको उम्मेदवारी परेको थियो । यसैगरी महिला सदस्य पदमा ५ जना र सदस्य पदका लागि १० जनाको उम्मेदवारी परेको थियो । 

वडामा दलित महिला सदस्य पदमा कसैको पनि उम्मेदवारी नपरेकोले यो पद खाली छ । यसरी दलित महिला सदस्य पदमा उम्मेदवारी नपर्ने २ वटा वडामध्ये अर्को वडा २४ हो । 

मेट्रो न्यूज खबर

प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई metro.newskhabar@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।