नेवाः नामका संस्था दर्ता राेक्का बागमति प्रदेशका सांसद शैलेन्द्र वज्राचार्यकाे पहलमा रद्द

नेवाः नाम भएका संस्था दर्ता गर्न काठमाडाैं जिल्लाका सीडीओ कार्यालय समहत भएकाे छ । काठमाडाैं जिल्लाका सीडीओ घनश्याम उपाध्यायले अब उपरान्त नेवाः शब्द भएकाे संस्था पनि दर्ता हुने बताए ।

बुधबार बागमति प्रदेशका सांसद शैलेन्द्र वज्राचार्यकाे नेतृत्वमा नेपालभाषा टाइम्सका सम्पादक सुरेश किरण र नेवाः पत्रकार राष्ट्रिय दबू काठमाडाैं जिल्लाका काेषाध्यक्ष राजेन्द्र मानन्धर सहितकाे टाेलीले सीडीओ उपाध्यायसँग भेटवार्ता गरेका हुन् ।

भेटवार्ता पछि सीडीओ उपाध्यायले नेवाः लगायत नेपालका कुनैपनि भासामा नाम राखेका संस्था दर्ता गरिने बताए । लगत्तै उनले संस्था दर्ता गर्ने फाँटका अधिकृत खड्ग श्रेष्ठलाइ खस नेपाली बाहेक अरू भासाबाट नाम राखेकाे संस्था दर्ता गर्न निर्देशनसमेत दिए ।

याेभन्दा पहिला नियमित रूपमा नेवाः नामबाट संस्था दर्ता भइरहेकाेमा केही हप्ताअघि देखि एकाएक संस्थाकाे नाम खस नेपालीमा हुनु पर्ने नभए दर्ता नहुने भनेर सीडीओ कार्यालयबाट फर्काइने गरेका थिए ।

पछिल्लाे समय ‘सभ्यता नेपाः’ नामक संस्थालाइ दर्ता राेक लगाएर ‘नेपाः’ शब्द परिवर्तन गरेर ‘नेपाल’ राख्न निर्देशन दिइएकाे थियाे ।

भेटवार्ता क्रममा सहायक सीडीओ देवी पाण्डे (खत्री) उपस्थितिमा सीडीओ उपाध्यायले ‘सम्पदा नेपाः’ र त्यसबेला फर्काइका अरू संघसंस्थाहरू पनि दर्ता गर्ने बचन दिए । उनले संस्थाकाे नाम जुनै भाषामा भएपनि विधानकाे प्रस्तावनामा त्यसकाे अर्थ खुल्ने गरी एक लाइनमा नेपाली भासामा राख्न अनुराेध समेत गरेका छन् ।