२८ जेठ, काठमाडौं । सडकपेटीमा अनाधिकृत रुपमा पसल राखेकाहरूको सामान जफत गरिएको छ ।

आज विहानदेखि जागरुक युवा समूहले असनदेखि परोपकार पुलसम्म अनाधिकृत रुपम सडकपेटीमा राखेको पसल हटाउन सुरु गरको छ ।

कोभिड १९ को संक्रमणबाट बच्न सरकारबाट अतिआवश्यक पसलहरु बाहेक अन्य पसल बन्द गराई रहेको अवस्थामा फुटपाथ पसलको बिगबिगी भएकोले यस्तो पसल हटाउन सुरु गरिएको हो । हुलमुल हुने गरी सडकपेटीमा अनाधिकृत तवरले पसल राख्ने गरेकोले कोरोनाको संक्रमणको खतरा बढेको भन्दै स्थानीय युवाहरु जागरुक भएर अनाधिकृत सडकपेटीका पसलहरु हटाउने कार्य भएको हो । यसको लागि दुइदिनअघि मात्र स्टार क्लबका अध्यक्ष चन्द्रकुमार महर्जनको संयोजकत्वमा जागरुक युवा समूह नामक समूह गठन गरेको थियो ।

यो समूहबाट दैनिक बैठक बसेर फुटपाथ पसल हटाउने अभियान अघि बढाइ रहेको छ । यसैक्रममा दुई दिनसम्म फुटपाथ पसल राख्ने क्षेत्रमा गई पसल नराख्न अनुरोध गरेका थिए ।
आजदेखि अटेरी भएर सडकपेटीमा अनाधिकृत तवरले राखेका पसललाई हटाउन सुरु भएको छ ।

आज विहान ६ बजे असनमा जम्मा भएर फुटपाथ पसल हटाउने अभियान नै सुरु गरेको हो । यो अभियानमा स्थानीय संघसंस्था, जनप्रतिनिधि, नगर प्रहरी, प्रहरी, स्थानीयवासीहरुको सहयोगले अटेरी गरी फुटपाथमा राखेको पसललाई महानगरीय प्रहरीले नियन्त्रणमा लिएको हो ।