क्यानभासमा उतारिँदै २२ वडाका सम्पदा

मेट्रो संवाददाता

६ वैशाख २०८२ ०:४९

विश्व सम्पदा दिवसमा चित्रकला कार्यशाला हुने, कलाकारको अवलोकन भ्रमण सम्पन्न

काठमाडौं महानगरपालिका–२२ वडामा अवस्थित सम्पदाहरूलाई क्यानभासमा उतार्ने तयारी स्वरूप कलाकारहरूको अवलोकन भ्रमण सम्पन्न भएको छ। विश्व सम्पदा दिवसको अवसर पारेर “क्यानभासमा २२ वडाका सम्पदा” शीर्षकमा आयोजना हुन लागेको स्थलगत चित्रकला कार्यशालाअघि २२ जना कलाकारले वडाभित्रका सम्पदा क्षेत्रहरूको स्थलगत भ्रमण गरेका हुन्।

वडाध्यक्ष चिनीकाजी महर्जन, वडा सदस्य ललिता खड्गी र अनिल हाडाज्यूको नेतृत्वमा भएको भ्रमणमा पुरातत्वविद् मञ्जरी प्रधानले सम्पदाहरूको ऐतिहासिक, सांस्कृतिक, पुरातात्विक, धार्मिक र सामाजिक महत्त्वका बारेमा जानकारी दिइन्। कलाकारहरूले सम्पदाको मूल्य र त्यससँग गाँसिएको जनजीवनलाई बुझ्न पाएको प्रतिक्रिया दिएका छन्।

यस क्रममा कलाकार टोलीले सुन्धारा, महाङ्काल स्थान, संकटा मन्दिर, टेवहाल भद्रकाली द्य छेँ, मुग द्य, रणमुक्तेश्वर, धर्मचक्र महाविहार, जन्मदान बहाल, सिंघवहाल, मूलश्री महाविहार, सवलबहाल (मन्त्रसिद्धि महाविहार), पिपलबोट, ओटुको घुँघुचा मन्दिर (नवदूर्गा), न्युरोड गणेशस्थान, गण महाविहारलगायत १९ वटा सम्पदा क्षेत्रको अवलोकन गरेको थियो।
कार्यक्रम सभ्यता नेपाःको आयोजना र Saturday Plein Air को सहकार्यमा, कामपा वडा नं. २२ को सहयोगमा संचालन भइरहेको छ। चित्रकला कार्यशालामा कलाकारहरूले ती सम्पदाहरूलाई एक्रोलिक माध्यममार्फत जीवन्त रूपमा क्यानभासमा उतार्ने छन्।
सम्पदामाथिको सचेतना र संरक्षणको सन्देश बोकेको यो कार्यशालाले संस्कृति र कलाबीचको सम्बन्धलाई अझ सशक्त बनाउने अपेक्षा लिइएको छ।

RECOMENDED News

महानगर

काठमाडौँ महानगरको प्रमुख प्रशासकीय अधिकृतमा मुक्तिराम अर्याल

सडकको ‘राइट अफ वे’ दोब्बर बनाउने तयारी, नयाँ विधेयक संसद्मा लैजाने सरकारको योजना

गुरुपूर्णिमामा महाबौद्धबाट दीपंकर बुद्धको शोभायात्रा र पञ्चदान

साउन १३ मा महाबौद्धमा पञ्चदान र दीपंकर बुद्धको शोभायात्रा

टेकु फोहोर स्थानान्तरण केन्द्र मंसिरदेखि सञ्चालनमा ल्याउने तयारी

Latest News

काठमाडौँ महानगरको प्रमुख प्रशासकीय अधिकृतमा मुक्तिराम अर्याल

बागमतीमा शैलेन्द्रमान बज्राचार्य भौतिक पूर्वाधार विकास मन्त्री नियुक्त

गुरुपूर्णिमामा महाबौद्धबाट दीपंकर बुद्धको शोभायात्रा र पञ्चदान

मल्ल के सुन्दरको ‘सेप्टेम्बर १७’ उपन्यासको अंग्रेजी संस्करण सार्वजनिक

काठमाडौँ महानगरको प्रमुख प्रशासकीय अधिकृतमा मुक्तिराम अर्याल

काठमाडौँ । सरकारले काठमाडौँ महानगरपालिकाको प्रमुख प्रशासकीय अधिकृतमा मुक्तिराम अर्याललाई खटाएको छ। बुधबार बसेको मन्त्रिपरिषद् बैठकले पोखरा महानगरपालिकामा कार्यरत...