काठमाडाैं । केन्द्रीय कारागार सुन्धारामा सजाय बेतित गरिरहेका ८ जना कैदीबन्दी कोरोना भाइरस संक्रमण ९कोभिड(१९० संक्रमण देखिएको छ । संक्रमित कैदीबन्दीमध्ये २ जना निको भएका छन् र अन्य ६ जनाको उपचार भइरहेको कारागार प्रशासनले जनाएको छ ।

१५० भन्दा बढी कैदीबन्दीलाई एकसाथ ज्वरो र रुघाखोकी देखिएसँगै ५० जनाको स्वाब संकलन गरिएको थियो ।

जेलर लक्ष्मीप्रसाद बाँस्कोटाका अनुसार ८ जना कैदीमा कोरोना देखिएको छ भने कारागार सुरक्षामा खटिएका २५ जना सुरक्षाकर्मीमा पनि कोरोना संक्रमण देखिएको छ ।

२०७५ सालको एक अध्ययनमा एक हजार दुई सय ५० जनाको क्षमतामा भएको कारागारको भौतिक संरचनासमेत जीर्ण रहेकाले उक्त कारागारबाट अन्यत्र सारी कैदीलाई वैकल्पिक व्यवस्थापन गर्नुपर्ने जनाएको थियो ।

कारागारमा केही दिनअघि उपचारकालागि जिल्लाबाहिरबाट सुन्धारा कारागारमा ल्याइएको कैदीबाट कोरोना भाइरस सरेको आंकलन गरिएको छ ।

सुन्धारास्थित कारागारमा क्षमताभन्दा बढी कैदी रहेको पहिलापनि समाचारमा आइसकेको थियो ।