काठमाडौं महानगरपालिकाले यस वर्ष तीन दिन महानगर दिवस मनाउने भएको छ । २७ औं महानगर दिवस यस वर्ष आउँदो मंसिर २७ देखि २९ गतेसम्म तीन दिन मनाउने निर्णय गरेको हो । दिवसबारे थप जानकारी दिन आइतवार काठमाडौंमा आयोजित पत्रकार भेटघाटमा कामपा महानगरपालिकाका प्रमुख विद्यासुन्दर शाक्यले तीन दिने महानगर दिवस मनाउने जानकारी दिनुभएकाे हाे ।

वि.सं. १९७६ पुष २ गते स्थापना गरिएकाे सफाइ अड्डाकाे संस्थागत संरचना विकास हुँदै २०५२ सालमा काठमाडौं महानगरपालिका घोषणा गरेदेखि यता हरेक वर्ष मंसिर २९ गतेलाई महानगर दिवसको रुपमा मनाउने गरिएको मेयर शाक्यले जानकारी दिनुभयाे ।

नयाँ संविधान जारी भएपश्चात स्थानीय तहकाे पहिलाे निर्वाचित जनप्रतिनिधि, २०७२ सालकाे महाभूकम्पले ध्वस्त भएकाे भाैतिक संरचना एवं त्यस लगत्तै गागू गरिएकाे नाकाबन्दी र काेराेनाकाे आक्रान्तकाे तमाम चुनाैतीकाे सामना महानगरमा भएकाे स्राेत र जनशक्तिकाे अधिकतम उपयाेग गर्दै महानगरवासीकाे सेवामा तल्लिन रहँदै आएकाे उहाँले बताउनु भयाे ।

कार्यक्रममा काठमाडौं महानगरपालिकाका प्रवक्ता ईश्वरमान डंगोलले २७ औँ महानगर दिवसमा, सेवाग्राही सर्वेक्षण, ज्येष्ठ नागरिकलाई निमोनियाको निःशुल्क खोप शुरुवात, तथा स्वास्थ्य शिविर, विशेष सरसफाइ, खेलकुद, सांस्कृतिक कार्यक्रमहरु आयोजना गरिने पनि बताए ।