बालबालिकालाई आफ्नै संस्कृति, परम्परा, भाषाले सभ्य बनाउने लक्ष्य बाेकेर सञ्चालनमा आइरहेकाे अत्यन्तै लाेकप्रिय काठमाडाैं नेवाः किन्डरगार्टेनले हरेक वर्ष मनाइँदै आइरहेकाे यःमरि पुन्हि याे वर्षपनि धुमधामका साथ मनाएकाे छ ।

किन्डरगार्टेनले “यःमरि दयेके धेँधेँबल्लाः कासा व ब्वज्या ११४२” प्रतियाेगिता गरेर याे वर्षकाे यःमरि पुन्हि मनाएकाे छ ।

लाेकप्रिय चलचित्र जा मनः गुभाजुका कलाकार शुसिल राजाेपाध्यायकाे प्रमुख आतिथ्यतामा सम्पन्न भएकाे उक्त यःमरि प्रतियाेगितामा युकेजीमा अध्ययनरत मिजल महर्जनका अभिभावकले बनाएकाे यःमरि सर्वप्रथम भएकाे थियाे ।

स्वर्गीय आनन्दित तुल्याउने काठमाडाैं उपत्यकाकाे संस्कृति सभ्यताकाे स्राेत पनि हाे । यहाँकाे चाडपर्वले, जात्रा, संस्कृतिले अति नै व्यस्त जनजीवनलाई धेरै मात्रामा ताजपन दिलाउन सफल भएकाे छ । किन्डरगार्टेनका निर्देशक राजेन्द्र महर्जन भन्नुहुन्छ, ‘विगत १२ वर्षदेखि निरन्तर रूपमा यस किन्डरगार्टेनले हेरक चाडपर्वलाई नछुटाइकन, हर्षाेलासकासाथ मनाउँदै आइरहका छाैं ।’