महानगरीय प्रहरी वृत्त, कीर्तिपुरले मंगलबारदेखि कीर्तिपुर नगरका विद्यालयहरूमा अभिमुखीकरण कार्यक्रम सञ्चालन गरेको छ । नगरका ३४ वटा विद्यालयहरूमा सञ्चालन गरिने यस कार्यक्रमको पहिलो दिन मंगल माध्यमिक विद्यालयबाट शुरु गरेको हो ।

कीर्तिपुर नगरपालिकाका प्रमुख रमेश महर्जनको प्रमुख आतिथ्यमा शुरु गरिएको यस अभिमुखीकरण कार्यक्रममा विशेष गरेर साइबर क्राइम (विद्युतीय अपराध) र लागु औषध दुव्र्यसनीका विषयमा विद्यार्थीहरूलाई जानकारी गराइएको हो । महानगरीय प्र्रहरी वृत्त, कीर्तिपुरका ईन्चार्ज डिएसपि ठाकुर प्रसाद पोखरेलले एक प्रस्तुतीमार्फत यस विषयमा विद्यार्थीहरूलाई सुसूचीत गराउनुभएको हो ।

कार्यक्रममा नगर प्रमुख महर्जनले विद्यार्थीहरू बढी सचेत हुनु पर्नेमा जोड दिनुभयो । विद्यालय तहका विद्यार्थीहरूको उमेरमा नै सबै खालको क्रियाकपाल एक पटक गरेर हेरौं न भन्ने विचार आउने भएकोले यस विषयमा गम्भीर हुन सचेत गराउनु भयो ।

कुलतमा लाग्ने उमेर पनि यही हुने  त्यसैगरी सज्जन हुन सचेत हुनु पर्ने उमेर पनि यही भएकोले यस्तो खालको अभिमुखीकरण कार्यक्रम विद्यालयमा सञ्चालन गर्नु सह्राहनीय काम भएको उल्लेख गर्नुहुँदै नगर प्रमुख महर्जनले घरेलु हिंसा प्रायः चिनेकै आफ्नै मान्छेले गर्ने गरेको थुप्रै तथ्याङ्कले देखाएकोले यस प्रति चनाखो हुन समेत अनुरोध भयो । कार्यक्रममा मंगल मा.वि.का प्रधानाध्यापक लोकलाल महर्जनले पनि आफ्नो धारण राख्नु भएको थियो ।