आदिवासी जनजाति नेवाःहरूकाे राष्ट्रिय संगठन नेवाः देय् दबू काठमाडाैं महानगर २२ वडा सिमितिकाे आयाेजनामा भइरहेकाे वक्तृत्वकला प्रशिक्षण आज सम्पन्न भएकाे छ ।

काठमाडाैं महानगर २२ वडा टेबहालकाे संकटा क्लबकाे हलमा एक हप्तासम्म ११ जना प्रशिक्षार्थीलाइ तालिम प्रदान गरिएकाे हाे ।

समापन कार्यक्रमका प्रमुख अतिथि काठमाडाैं महानगरपालिका २२ वडाका अध्यक्ष चिनिकाजी महर्जनले कार्यक्रमलाइ सम्बाेधन गर्नेक्रममा स्थानीय महिला तथा युवाकाे लागि सीप, क्षमता र दक्षता अभिवृद्धि गराउने यस्ताे कार्यक्रम अत्यन्तै आवश्यक तथा प्रभावकारी रहेकाे बताए ।

‘वक्तृत्वकला भनेकाे प्रतिभा हाेइन, याे एउटा कला हाे । तालिम लिएर व्यवहारमा उतार्न सक्याे भने सफल वक्ताकाे रूपमा आफुलाइ परिस्कृत गर्ने सकिन्छ’, वडा अध्यक्ष महर्जनले भने ।

बाेल्न डराउने पीडितवर्गहरूकाे आवाज भएर सम्बन्धित ठाउँमा न्यायकाे लागि आवाज बुलन्द गर्न सक्याे भने वक्तृत्व कला प्रशिक्षण सार्थक हुने उनले बताए ।

राजनीतिक, सामाजिक र आर्थिक जीवनमा बाेल्ने कलाकाे एकदमै आवश्यकता हुने बताउँदै उनले प्रशिक्षार्थीहरूलाइ तालिमबाट प्राप्त सीपलाइ पिछडावर्गहरूकाे आवाज भएर भ्वाइसलेसहरूकाे भ्वाइस भएर जीवनमा अघि बढ्न सुझाव दिए ।

कार्यक्रममा विशेष अतिथिकारूपमा उपस्थित नेवाः देय् दबूका केन्द्रीय उपाध्यक्ष उमेश स्थापितले नेवाः देय् दबूकाे इतिहास र आजकाे परिवेशमा देय् दबूकाे महत्वकाे बारेमा प्रकाश पारे । यस वक्तृत्वकला तालिमपश्चात प्रशिक्षार्थीहरू पारिवारिक र सामाजिक नेतृत्व गर्ने क्षमतामा सुधार ल्याउने उनले बताए ।

वक्तृत्वकला प्रशिक्षण नेवाः देय् दबू येँ महानगर समितिका अध्यक्ष शाेभा महर्जन बज्राचार्यले दिएका हुन् ।

येँ महानगर सिमितिका उपाध्यक्ष संयाेजनमा भएकाे उक्त कार्यक्रमकाे समापनमा २२ वडा सिमितिका अध्यक्ष रत्नकाजी महर्जनले सभाअध्यता गरेका हुन् ।