जेठ १५, काठमाडौं ।

गैर सरकारी संस्था गुथि र एरोशान नेपालको पहलमा काठमाडौं महानगरपालिर्का सफाई मजदुर ३०० जनालाई महिनावारी स्वच्बछता सामाग्री वितरण गरियो ।

काठमाडौं महानगरपालिका वातावरण विभाग टेकुको फोहोर व्यवस्थापन केन्द्रमा आयोजित कार्यक्रममा अनौपचारिक क्षेत्रमा काम गर्ने सफाई मजदुर तथा महिला पत्रकारहरुलाई पनि महिनावारी स्वच्छता सामाग्री उपलब्ध गराइएको थियो ।

कार्यक्रममा आफ्नो मन्तब्य राख्नेक्रममा काठमाडौ महानगरपालिकाका उपमेयर हरिप्रभा खड्गीले महिनवारी आफैमा महिलाहरुको एक मात्र पहिचान भएको, पुरुषहरुले चाहेर पनि सन्तान जन्माउन सक्दैनन् तसर्थ महिनावारी हुनुमा गर्व गर्नुपर्ने बताए ।

‘महिनावारीलाई लुकाएर होइन खुलेर कुरा गरौ र महिलाहरुको प्रजनन स्वास्थ्यसँग सरोकार राख्ने भएको हुँदा महिनावारी लाई उचित व्यवस्थापन र सरसफाईमा ध्यान दिनुपर्छ ।’ उपमेयर श्रेष्ठले भने, ‘ सफाइमा काम गर्ने कसैले पनि आफूले तल्लो तहको काम गरेको भनेर हेलित भएको महसुस नगर्नु । यो ठूलो काम हो । यससँग सम्बन्धित काम गर्दा आफ्नै पूर्खाले सिकाएका, आफ्नै समाज वरिपरि उत्पादन भएका स्वदेशी उत्पादन प्रयोग गरौं ।’

महिनावारीमा चाहिने सेनेटरी प्याड अत्यावश्यक बस्तुको सुचीमा सरकारले नराखेका कारण यसको उत्पादन, ढुवानी र वितरण रोकिएको र यसले बजारमा प्याडको उपलब्धतामा समस्या ल्याएको एरोशानका राष्ट्रिय प्रतिनिधि प्रकाश अमात्यको भनाई थियो ।

सरसफाईकर्मीहरुको समुह संयुक्त सरसफाई जागरणकी प्रतिनिधि र सरसफाईकर्मी माया तामाङ्गका अनुसार हाल लकडाउनका समयमा सरसफाई मजदुर महिलाहरुले महिनावारीका समय धेरै दुख खेप्नु परिरहेको छ ।

तामाङ्गले भने, ‘सरसफाईको काम गर्दा महिनावारीको समयमा पटक पटक प्याड फेर्नुपर्छ तर यसका लागि काम गर्ने ठाँउमा शौचालय छैनन् ।’

त्यस क्रममा फोहोरमैला व्यवस्थापन संघका पूर्व अध्यक्ष बासु उप्रेती र हेल्थ एण्ड हाइजिन कम्पनीका बजार व्यवस्थापक उत्सव उदासले सफाइकर्मीले आधारभूत स्वास्थ्य जाँचमा लापर्वाह नगर्न आग्रह गरे ।

महिनावारी व्यवस्थापनका लागि चाहिने सामाग्री जस्तै प्याड महिनाहरुको लागि अत्यावश्यक सामग्री हुन् । युनिसेफको रिपोर्टका अनुसार पनि कोभिड लकडाउनले महिनावारीमा पनि अप्रत्यक्ष प्रभाव पार्नेछ र यसले गरिब र सीमान्तकृत समुदायमा धेरै असर पार्नेछ । यसै कारण सरसफाईकर्मीको नाजुक अवस्थालाई ध्यानमा राख्दै यो महिनावारी स्वच्छता सामाग्री वितरण गरिएको हो ।