राजधानीमा उद्योगी र व्यवसायीले लकडाउन अवज्ञा गर्न थालेपछि काठमाडौं, भक्तपुर र ललितपुरका प्रमुख जिल्ला अधिकारी, चारवटै सुरक्षा निकायका जिल्ला प्रमुख तथा जिल्ला समन्वय समितिको आकस्मिक संयुक्त बैठक बसेको थियो ।

चैत ११ गतेदेखि लगाइएको लकडाउनका कारण अत्यावश्यक सेवा बाहेकका उद्योगरकलकारखाना तथा बजार पूर्ण रुपमा ठप्प छन् । जसका कारण सर्वसाधारणको रोजीरोटीदेखि ज्यालादारी मजदुर तथा स्वयं उद्योगरकलकारखाना सञ्चालक पनि यसको मारमा परेका छन् । प्रशासनले लकडाउनको विकल्प नखोजे अवज्ञा गरेर एकतर्फी व्यवसाय चलाउने चेतावनी व्यवसायीले दिएपछि प्रशासन बाध्य भएर लकडाउनलाई खुकुलो बनाउने निष्कर्षमा पुगेको हो ।

लकडाउनको ७४ औं दिनसम्म आइपुग्दा राजधानीको सडकमा भिडभाड देखिन थालेको छ भने चेकजाँचमा कडाइ छैन । सुरुमा दिनमा सर्वसाधारणका लागि हिँडडुलमा समेत कडाइ भएकोमा अहिले त्यस्तो छैन, एकाधबाहेक अरु स्थानमा निर्वाध हिँडडूल भइरहेको छ ।

मन्त्रिपरिषद् बैठकले लकडाउन खुकुलो पार्ने मोडालिटी दुई दिनभित्र पेस गर्न समितिलाई निर्देशन दिएको थियाे। लकडाउन बढ्दै गएपछि काठमाडांै उपत्याकाभित्र र बाहिरका व्यवसायीले अवज्ञा गर्न थालेपछि मन्त्रिपरिषद बैठकमा छलफल भएको थियो।

उच्चस्तरीय समन्वय समितिअन्तर्गत रहेको क्राइसिस म्यानेजमेन्ट सेन्टर (सिएमसी) ले असार १ देखि लकडाउन खुकुलो बनाउँदै जानेगरी अगाडि बढ्ने विस्तृत स्वरूपको मस्यौदा तयार पारेको छ। यद्यपी उक्त प्रस्ताव र मोेडलबारे छलफल जारी नै रहेकाले त्यसको थपघट हुनसक्ने बताइएको छ ।

सरकारले गत चैत ११ गतेबाट लागू हुनेगरी घोषणा गरेको लकडाउन पटक पटक थप्दै आएको छ। पछिल्लो समय जेठ ३२ गतेसम्मका लागि लकडाउन गर्ने निर्णय भएको थियो।