काठमाडौं : वरिष्ठ लोकगायक रत्न बेहोशीद्वारा रचित ‘भत्ती खों ड्राइभर’ गीतको नयाँ संस्करण मंगलबार सार्वजनिक भएको छ। नेवाः एचडी टिभीमार्फत प्रत्यक्ष प्रसारणमा विमोचन गरिएको यस संस्करणमा चर्चित गायिका सरस्वती मानन्धर र कृष्ण महर्जनको स्वर समावेश गरिएको छ।

विमोचन कार्यक्रममा वरिष्ठ रचनाकार रत्न बेहोशी र नेपालभाषाका पहिलो म्युजिक भिडियो निर्देशक विजय रत्न असम्बरेको विशेष उपस्थिति रहेको थियो। गीतलाई दीप तुलाधरले पुनः संगीतबद्ध गरेका हुन्।

नयाँ म्युजिक भिडियोमा सरस्वती मानन्धर, भिन्तुना जोशी, अष्ट महर्जन, शान्त प्रजापति लगायतका कलाकारहरूको अभिनय छ। भिडियोको छायांकन बालकुमार मगरले गरेका हुन् भने इन्द्र मानन्धरले सम्पादन गरेका छन्।

यस गीतले नेपालभाषा संगीतमा नयाँ ऊर्जा थप्दै पुरानो सांगीतिक धरोहरलाई जीवन्त बनाएको छ।

“