बूढानीलकण्ठ कडा नं.१ मा रहेको तौलुंग एकीकृत खानेपानी आयोजनाको शिलान्यास नेपाल कम्युनिष्ट पार्टी एमालेका केन्द्रीय सदस्य तथा प्रधानमन्त्री केपी शर्मा ओलीका विदेश मामिला सल्लाहकार डा. राजन भट्टराईले गरेका छन् ।

करिब तिन लाख लिटर क्षमताको ट्याङ्की निर्माण गर्दै स्थानीय मूल तथा श्रोतको सदुपयोग गर्नको लागि सुरु गरिएको उक्त आयोजनाको शिलान्यास गर्दै डा.भट्टराईले नगरवासीलाई खानेपानीको सुविधा उपलब्ध गराउनु नगरपालिकाको पहिलो प्राथमिकता रहेको बताएका छन् ।

उक्त शिलान्यास कार्यक्रममा राजन भट्टराईसँगै बूढानीलकण्ठ नगरपालिकाका प्रमुख उद्धव खरेल, वडा नं. १ का अध्यक्ष सुरेन्द्र लामा, नगरपालिकाका जनसम्पर्क सल्लाहकार सुन्दर पुर्कुटी, नेकपा एमाले काठमाडौँ जिल्ला कार्यालय सचिव विदुर विक्रम खड्का, वडा नं.१ का सदस्य नबिन श्रेष्ठ, चण्डिका रैला, वडा नं.२ का सदस्य राजेन्द्र श्रेष्ठ लगायतको उपस्थिति रहेको थियो ।