काठमाडाैं, २७ असार २०७८ ।

स्वास्थ्य मन्त्री कृष्णगोपाल श्रेष्ठले कोरोना भाइरसको अब आउन सक्ने तेस्रो लहरको गम्भीरता पूर्वक पूर्व तयारीमा रहन निर्देशन दिनुभएको छ । 

वीर अस्पतालमा रहेको कोभिड युनिफाइड केन्द्रीय अस्पतालको शनिबार अवलोकन गर्नुहुँदै मन्त्री श्रेष्ठले कोभिड अस्पतालको रुपमा रहेको वीर अस्पताललाई पूर्ण रुपमा सञ्चालन गर्न निर्देशन समेत दिनुभयो । 

मन्त्री श्रेष्ठले अस्पतालको आइसियु वार्ड , अक्सिजन प्लान्ट लगायत सबै संरचना अवलोकन गर्नुभएको छ ।

त्यस अवसरमा मन्त्री श्रेष्ठलाई स्वास्थ्य सचिव लक्ष्मण अर्याल र अस्पतालका निर्देशक डा जागेश्वर गौतम सहित चिकित्सक टोलीले अस्पतालको पछिल्लो अवस्थाबारे जानकारी गराउनुभएको थियो ।

अस्पतालले हाल सय बेडको आइसियु सञ्चालन गरिरहेको र बाँकी सय बेड आइसियु सहितको बेड तयारी अवस्थामा रहेको अस्पतालको निर्देशक डा. गौतमले जानकारी दिनुभएको छ । 

स्वास्थ्य सचिव अर्यालले मन्त्रालयले तेस्रो लहरलाई मध्यनजर गरी सबै तयारी थालेको बताउनुभयो ।

प्रम ओलीले २०७४ सालमा उद्घाटन गर्नुभएको सो भवन प्रम ओलीले नै आइतबार अस्पताल भवन उद्घाटन गर्ने कार्यक्रम रहेकोमा मन्त्री श्रेष्ठ निरीक्षण गर्न पुग्नुभएको हो ।