काठमाडौं। ट्री इन्टरटेन्टमेन्टकाे प्रस्तुतिमा नेपालभाषाकाे ‘धाये मफुत…’ बोलकाे म्यूजिक भिडियाे सार्वजनिक गरिएको छ।

राइजिङ्ग मल दरबारमार्गमा एक भव्य समाराेहका बीच बिहीबार ‘धाये मफुत…’ बोलकाे म्यूजिक भिडियाे सार्वजनिक गरिएको हो।

विमाेचन कार्यक्रमका प्रमुख अतिथि कीर्तिपुर नगरपालिकाका मेयर रमेश महर्जनले गीत, रचना, संगीत र भिडियो निकै राम्रो बनेकोमा प्रसंसा गर्नु भएकाे थियाे ।

त्यसैगरि नेपाली चलचित्रका ठुल्दाइका रुपमा परिचित वरिस्ठ कलाकार शिव श्रेष्ठले म्युजिक भिडियो हेरिसकेपछि आफु पनि यस किसिमको म्युजिक भिडियोमा भूमिका निर्वाह गर्न इच्क्षा जागेको बताउनु भयो | 

चिरपरिचित गायक अस्मिता परियार र प्रिज्वल नेपालीकाे स्वरवद्ध उक्त नेपालभाषाकाे गीतमा शब्द दिपक नेपालीकाे रहेकाे छ भने संगीत बावुल गिरीले भर्नुभएकाे छ। अर्जुन तिवारीको छायांकन गर्नुभएकाे भिडियोमा शिलन लम्सालले सम्पादन गर्नुभएकाे छ । 

माईकल चन्दको निर्देशन रहेको गीतको भिडियोमा देलविस दर्शनधारी, राज राेहन तुम्बाहाम्फे, प्रथप कार्की, उषा उप्रती, कविता नेपाली र स्मातिका ढकाल देखिएका छन्।

‘धाये मफुत…’ बाेलकाे म्युजिक भिडियाेकाे निर्मातामा दिनेश दर्शनधारी र यशाेदा राई रहेकाे छ भने माईकल चन्दले निर्देशन गर्नुभएकाे छ।

चलचित्र ‘बाग्मती र एउटा यस्तोे प्रेम कहानी’ निर्माण गरिसकेको ब्यानर ट्रि इन्टरटेन्मेन्टले चलचित्र निर्माणसँगै म्युजिक भिडियो निर्माणमा पनि हात हालिरहेको छ । यो कम्पनीले यसअघि नायिका साम्राज्ञी राज्यलक्ष्मी शाहलाई लिएर ‘माया पिरिम’ बोेलकोे गीत तयार पारेको थियो ।

कार्यक्रममा बोल्दै कलाकार उषा उप्रेतीले नेपाल भाषाको गीतको भिडियोमा काम गर्न पाउँदा खुशी लागेको बताइन्। कलाकारद्वय डेलविस र राजले परिवार र म्युजिक क्षेत्रको साथ पाएर आफूहरु अगाडि बढेको भन्दै खुशी व्यक्त गरे। कलाकार स्मारिक ढकालले सुरुमा गीतको शब्द नबुझेर काम गर्न गाह्रो भए पनि सबैको सहयोगमा काम गर्न रमाइलो भएको बताइन्।