काठमाडाैं महानगरपालिकाले कक्षा १ देखि ८ सम्म स्थानीय पाठ्यक्रम ‘येँ देय् म्हसीके’ पढाइ सुरू गरेदेखि आजकाल महानगरपालिका क्षेत्रभित्रका विद्यालयहरूमा ए‍ेतिहासिक राैनक देखिन थालेकाे छ ।

काठमाडाैं महानगरपालिक वडा नं. १३ बाफल, पुरानाे कालीमाटीस्थित ज्ञानाेदय माविमा शनिबार यःमरि पुन्हि मनाउने क्रममा सांगीतक प्रस्तुती र साँस्कृतिक प्रदर्शनीकाे अवलाेकन गरिसकेपछि काठमाडाैं महानगरपालिका शिक्षा विभागका प्रमुख रामप्रसाद सुवेदीले यस्ताे भन्रुभएकाे हाे । साथै उहाँले कुनै कुनाकाप्चा वा गल्लीभित्र फुल्ने फुलहरू अहिले हाम्रा विद्यालयमा फुल्ने अवसर स्थानीय पाठ्यक्रमकाे माध्यमबाट पाइरहेकाे बताउनुभयाे ।

‘यःमरि’ स्थानीय पाठ्यक्रम ‘येँ देय् म्हसीके’मा कक्षा १ का विद्यार्थीहरूले पढ्नु पर्ने पाठ हाे । उपत्यकाका चाडपर्व-भेषभुषा, संस्कृति, संस्कार बुझाउन तयार पारिएकाे यस पाठ्यपुस्तकमा यःमरिकाे बारेमा कवितादेखि यःमरिकाे बारेमा जानकारी दिने पाठ्यक्रम तयार पारिएकाे छ ।

यसरी विद्यालयहरूमा यःमरि पुन्हिकाे अवसरमा यःमरि बनाउने देखि यःमरि माग्ने परम्परागत सांस्कृतिकाे व्यवहारिक कक्षा सञ्चालन गरेकाले सम्पूर्ण विद्यार्थी एवं अभिभावकहरूसमेत उत्साहित भएका छन् ।