फाेटाे फिचर

सामान्यत जात्रामा प्रयोग हुने खट वा रथमा सबैभन्दा माथी गजुर र मुनि मुर्ती हुन्छ । हाँडीगाउँको जात्रामा अरू जात्राकाे रथभन्दा फरक गजुर मुनि र देवता माथि रहने गर्दछन् । जात्रामा त्रिदेव ब्रह्मा, विष्णु र महेशको पूजा गरी विशेष प्रकारको रथ (खट) घुमाउने परम्परा छ। यो जात्रा हेर्नाले तथा त्रिदेवको एक पटक दर्शन गर्नाले घरमा महालक्ष्मीको बास हुनका साथै मनोकामना सिद्ध हुने जनविश्वास रहि आएको छ । जात्राका क्रममा रथमा चढाएको मैनको फूल गर्भवती महिलाले शिरमा लगाउँदा बच्चा जन्माउन सजिलो हुने विश्वास गरिन्छ । किम्वदन्तीअनुसार आफ्नाे कुरा नमानेपछि गभर्वती महिलासँग रिसाएका भगवान विष्णुका कारण बच्चा पाउन गाह्राे हुन्छ । पछि विष्णु रिसाएको कुरा स्थानीय पुरोहितले थाहा पाएर हिमालय पर्वत गई भगवान विष्णुसमक्ष याचना गर्दै ‘हामी तपाईँको नामामा यो संसारमा कहिँ नभएको जात्रा गर्नेछौँ, मैनको फूल चढाउँछौ...