२ साउन, काठमाडाैं ।

कोरोना संक्रमणका कारण बलिउड नायिक ऐश्वर्या राय बच्चन र उनकी छोरी आराध्या बच्चनलाई शुक्रवार राती मुम्बईको नानावटी अस्पतालमा भर्ना गरिएको छ ।

हालै मात्र बच्चन परिवारका चार सदस्यलाई कारोना पोजिटिभ भेटिएको थियो । गत शनिबार अमिताभ बच्चन र अभिषेक बच्चन कोरोनाको कारण अस्पताल भर्ना गरी उपचार भइरहेको थियो भने ऐश्वर्या र आरध्यालाई भने होम क्वारेन्टाइनमा राखेर उपचार भइरहेको थियो ।

भारतीय सञ्चार माध्यमका अनुसार ऐश्वर्या र आरध्यालाई हल्का ज्वरो देखिएपछि अस्पताल भर्ना गरिएको हो । ऐश्वर्यालाई स्वासप्रस्वासमा अलि समस्या देखिएको र आरध्याको सिटी स्क्यान गरिएको छ ।

अमिताभ र अभिषेक अस्पताल भर्ना भएको ७ दिन भइसकेको छ । गत शनिबार ७७ वर्षका अमिताभ र ४४ वर्षका अभिषेक आफै गाडी चलाएर अस्पताल पुगेका थिए । दुबैजनाले आफूहरुलाई कोरोना पोजिटिभ भएको जानकारी सामाजिक सञ्जालमार्फत दिएका दिए ।

आजको दिनसम्म भने जयाबच्चनको दुइपल्टसम्मको रिर्पोट नेगेटिभ नै आएको छ । उनको स्वास्थ्यस्थिति सामान्य भएको भारतीय सञ्चार माध्यमले जनाएको छ ।