एजेन्सी । भारतको महाराष्ट्रमा भवन भत्किएको १८ घन्टापछि एक बालकको सकुसल उद्दार गरिएको छ ।

महाराष्ट्रको रायगढ जिल्लाको काजलपुरा क्षेत्रमा सोमबार करीब ७ बजेतिर पाच तल्ले भवन भत्केको थियो ।

भत्केको भवनमा ८० देखि ९० जना फसेको अशंका गरिएको छ । भारतीय सञ्चार माध्यमकाअनुसार रायगढ जिल्लाका अधिकारी निधि चौधरीले ९ जनाको मृत्यु भएको पुष्टि गरेका छन् । जसमा ४ जना पुरुष र ५ जना महिला छन् ।

भवन ढलेदेखि नै रेस्क्यू अपरेसन सुरु गरिएको थियो । सोमबार बेलुकी ७ः०० बजे भत्किएको भवनबाट मंगलबार दिउँसाे १ः०० बजेतिर ५ वर्षको एक बच्चालाई सकुसल निकालिएको थियो ।

उद्दार गरिएको बालकको नाम मोहम्म वांगी हो । अहिले उनलाई रेखदेखको रुपमा अस्पताल भर्ना गरिएको छ । एक अधिकारीकोअनुसार उद्दार गरिएको बालक एउटा पिलरसँगै थियो । पिल्लरसँगै भएको कारण भवन भत्किएता पनि उनलाई केहि भएन ।