काठमाडाैं, असार ८। उद्योग, वाणिज्य तथा आपूर्ति मन्त्री राजकिशोर यादवले अन्तरदेशीय पेट्रोलियम पाइपलाइन (सिलिगुडी–चारआली) चाँडै नै सुरू हुने बताए ।

झापामा मन्त्री यादवले पाइपलाइन परियोजना तथा भण्डारण गृह निर्माणस्थलको निरीक्षण गर्दै याे गाैरवकाे आयोजनाकाे प्रारम्भिक सर्भे कार्य सकिएको बताए ।

‘असोजदेखि सिलिगुढीको डिपोबाट निगमको चारआलीस्थित भण्डारण गृहसम्मको ५० किलोमिटर लामो पेट्रोलियम पाइपलाइन बिछ्याउने परियोजना जीटुजीमार्फत हुने गरी भारतसँग समन्वय गर्दैछौं।’, उनले भने ।

पाइप लाइनबाट चारआलीको भण्डारण गृहसम्म पेट्रोलियम पदार्थ आएपछि विगतमा हुँदै आएको चोरी निकासी र कर्मचारीको बदमासीसमेत रोकिने मन्त्री यादवको दाबी छ।

झापामा निर्माण गर्न लागिएको भण्डारण गृहले प्रदेश १ मा ९० दिनसम्म पेट्रोलियम पदार्थ धान्ने क्षमता राख्ने आयल निगमले जनाएको छ।

परियोजना निर्माणका लागि भारतीय मूल्य रु ७ अर्ब २ करोड लागत लाग्ने बताइएको छ। मेचीनगर नगरपालिका–१३ मा रहेको निगमको २३ बिघा जमिनमा भण्डारण गृह निर्माण गरिनेछ।

-अन्नपूर्णपाेस्ट