काठमाडाैं, १७ असार २०७८।

चीनको राजधानी बेइजिङमा चिनियाँ कम्युनिष्ट पार्टीले आफ्नो स्थापनाको सय वर्ष पूरा गरेको उपलक्ष्य भव्य समारोह आयोजना गरिएको छ  

समारोहमा अनेक परेड, झाँकी तथा प्रदर्शनीहरूका साथै पार्टीले सय वर्षमा हासिल गरेका उपलब्धिहरूको प्रदर्शनी गरिएकाे हाे । पार्टीका ७० हजारभन्दा बढी सदस्य तियामेन चोकमा भेला भएका थिए ।

चीनले समृद्ध समाज निर्माणको चरण पार गरेको छ । समारोहमा चिनियाँ कम्युनिष्ट पार्टी केन्द्रीय समितिका महासचिव, राष्ट्राध्यक्ष एवं केन्द्रीय सैन्य आयोगका अध्यक्ष सी चिनफिङले सम्बोधन गर्दै बताए । चीनलाई होच्याउने युगको सधैँका लागि अन्त्य भइसकेको उनले बताए ।

‘चिनियाँहरू पुराना कुराहरूलाई ध्वस्त पार्न मात्र होइन नयाँ संसार बनाउन पनि सिपालु छन् । समाजवादले मात्र चीनलाई जोगाउन सक्छ,’ उनले भने ।

सीले चीन अब समाजवादी आधुनिक शक्तिशाली मुलुकको रूपमा अघि बढिरहेको बताए । ‘चिनियाँ कम्युनिस्ट पार्टीको नेतृत्व चिनियाँ विशेषतायुक्त समाजवादको आवश्यकता हो, चिनियाँ विशेषतायुक्त परिपाटी देशको जग र जीवनरक्त हो,’ उनलेभ ने  

सन् १९२१ जुलाई १ तारिख चिनियाँ कम्युनिस्ट पार्टीको स्थापना भएको थियो । चिनियाँ कम्युनिष्ट पार्टीमा ९ करोड ५२ लाख पार्टी सदस्य छन् । त्यो भनेको चीनको जनसंख्याको  ६.७ प्रतिशत हो ।