काठमाडौं, १५ साउन २०७८ ।

काठमाडौं, साउन १४ (नागरिक)– टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङ प्रालि र शिखर इन्स्योरेन्स कम्पनी लिमिटेडबीच अटो प्लसमा सम्झौता भएको छ । उक्त सम्झौतामा सिप्रदी ट्रेडिङका उप–सभापति सौरवराजथपलिया र शिखर इन्स्योरेन्सका प्रमुख कार्यकारी अधिकृत दिपप्रकाश पाण्डेले हस्ताक्षर गरेका छन् ।

सम्झौता टाटा मोर्टसद्वारा उत्पादित गाडीहरू टाटा योद्धा, टाटा एस र टाटा इन्ट्रामा लागू हुनेछ । अटो प्लस स्किम सवारी साधन दर्ता भएको मितिबाट पाँच वर्षसम्म लागू हुनेछ । साथै यो स्किम व्यापक मोटर बिमा पोलिसीमा मात्र लागू हुने बताइएको छ । जस अन्तर्गत शून्य ह्रासकट्टी, गाडी मर्मत गर्न लाग्ने १५ दिनसम्म टाटा योद्धाको लागि दैनिक भाडादर तीन हजार रूपैयाँ र टाटा एस÷टाटा इन्ट्राका लागि भाडादर एक हजार पाँच सय क्षतिपूर्ति दिनुका साथै नयाँ गाडी प्रतिस्थापन योजना लगायतका फाइदा छन् ।

यो योजनामा सहभागी हुन ग्राहकले दुर्घटना भएको अवस्थामा सिप्रदी ट्रेडिङ प्रालिको पायक पर्ने आधिकारिक सर्भिस सेन्टरमा गएर गाडी मर्मत तथा बिमा दाबी गर्न सकिने छ ।