कीर्तिपुर । खुसी खुसी बचत तथा ऋण सहकारी संस्था लिमिटेडले बिहीबार आफ्नो १३ औं वार्षिक साधारण सभा सम्पन्न भएकाे छ ।

च.नं.पा. वडा नं. ८, मातातीर्थ स्थित हाम्रो मार्टमा भएको संस्थाको १३ औं साधारण सभाको प्रमुख अतिथि बागमती प्रदेशका सांसद् रमा आले मगरले उद्घाटन गर्नुभएको थियो ।

विशिष्ट अतिथि चन्द्रागिरि नगरपालिकाका उप–प्रमुख लिसा नकर्मी र वित्तिय क्षेत्रका विशिष्ट व्यक्तिहरूको उपस्थिति रहेको कार्यक्रममा विभिन्न पुरस्कारहरू पनि प्रदान गरिएको थियो ।

क्यासियर पदका सलिना महर्जन र बजार प्रतिनिधिका सुर्मिला महर्जन र चेयरम्यान अवार्डमा विमश थापा यस वर्षको उत्कृष्ट कर्मचारी घाेषित भएका थिए ।

त्यसैगरी संस्थाको समग्र हितका लागि विभिन्न भूमिकाबाट सहयोग प्रदान गर्नुभएकोमा सुमनराज घिमिरेलाई सम्मान गरिएको थियो ।

चन्द्रागिरि नगरपालिका वडा नं. ८, मातातीर्थमा मुख्य कार्यालय र कीर्तिपुर नगरपालिका वडा नं. ५, छुगांमा सदस्य सेवा केन्द्र सञ्चालन गरी वित्तिय सेवा प्रदान गरिरहेको संस्थाका पुरस्कृत कर्मचारीहरूलाई र सम्मानित व्यक्तिलाई प्रमुख अतिथि सांसद् मगरले नगदका साथै प्रमाण-पत्र र सम्मान-पत्र प्रदान गर्नुभएको थियो ।

उद्घाटन सत्रमा संस्थाको अध्यक्ष, कोषाध्यक्ष र लेखा समिति संयोजकले प्रस्तुत गर्नुभएको प्रतिवेदन सर्वसम्मतले पारी गरिएको थियो ।

संस्थाको अध्यक्ष वटुकृष्ण थापाको सभापतित्वमा सम्पन्न कार्यक्रम संस्थापक रामप्रसाद अधिकारीले सञ्चालन गर्नुभएको थियो ।

तस्बिर : ज्ञानकुमार महर्जन