नेवाः देय् दबूले नेपाल संवत् ११४२ नयाँ वर्षकाे उपलक्ष्यमा बसन्तपुरमा स्वास्थ्य तथा दन्त शिविर सञ्चालन गरेकाे छ ।

दबूकाे येँ महानगर समितिकाे अतिरिक्त क्रियाकलाप विभाग र पिपल्स डेन्टल कलेज एण्ड हस्पिटलकाे सहकार्यमा उक्त शिविर सञ्चालन भएकाे हाे ।

दबूका काठमाडाैं महानगर समिति अध्यक्ष शाेभा महर्जन बज्राचार्यले जानकारी दिए अनुसार १०० जनाभन्दा बढीले आफ्नाे दाँत र स्वास्थ्य परीक्षण भएकाे छ ।

न्हूदँ (नयाँ वर्ष)काे बेला बसन्तपुरमा पिपल्स डेन्टल कलेज एण्ड हस्पिटलका १२ जना डाक्टर र मेडिकल सहयाेगीकाे टिमबाट स्वास्थ्य परीक्षण र दाँतकाे परीक्षण गर्नुका साथै औषधि तथा दाँत सफा गर्नका लागि टुथब्रससमेत निःशुल्क बितरण गरिएकाे शिविरका संयाेजन नेवाः देय् दबू येँ महानगर समितिका सह-सचिव सुनिल महर्जनले बताउनु भयाे ।

शिविरकाे निरीक्षणकाे क्रममा नेवाः देय् दबूका केन्द्रीय अध्यक्ष नरेश कुमार ताम्राकारले दबूकाे संगठनमा विभिन्न इकाइ तथा विभाग गठन भएपश्चात दबूकाे गतिविधि पनि बढेकाे बताउनु भयाे । उहाँले अब दबूकाे संगठन जिल्ला, महानगर, वडा हुँदै टाेलसम्म जाने भएकाेले नेवाः देय् दबू वास्तवमा नै नेवारहरूकाे राष्ट्रिय संगठन साथर्ता अब पाउने बताउनु भयाे ।

शिविरमा सहयाेग पुर्याउनु हुने महानुभावहरूलाई दबूका बागमति प्रदेश कमितिका अध्यक्ष उमेश स्थापितले प्रमाणपत्र हस्तान्तरण गर्नुभएकाे हाे ।