काठमाडौं। काठमाडौं महानगरपालिका–१३ वडास्थित क्लब मार्ग सामुदायिक विकास केन्द्रले नेपाल सम्वत् ११४६, शुभ दीपावली र छठ पर्वको अवसरमा शुभकामना आदानप्रदान तथा चियापान कार्यक्रम सम्पन्न गरेको छ ।

क्लब मार्ग कालिमाटीमा आयोजित कार्यक्रममा स्थानीय जनप्रतिनिधि, विभिन्न संघ–संस्थाका प्रतिनिधि, राजनीतिक दलका सदस्य, समाजसेवी र स्थानीय बासिन्दाहरूको उपस्थिति रहेको थियो ।

काठमाडौं महानगरपालिका–१३ वडाका वडा अध्यक्ष ध्रुव नारायण मानन्धरले सम्पूर्ण वडावासीको सुख, समृद्धि र दीर्घ शुभकामना व्यक्त गर्नुभएको छ ।

कार्यक्रममा सहभागीहरूले पर्वहरूले ल्याउने आपसी सद्भाव, सहअस्तित्व र मिलनको भावनाले सामाजिक एकता र सांस्कृतिक सम्पदाको संरक्षणमा टेवा पुग्ने विश्वास व्यक्त गरेका छन् ।

संस्थाका सल्लाहकार राम शरण डंगोलका अनुसार केन्द्रले अन्य सामाजिक तथा सामुदायिक गतिविधिहरू पनि सञ्चालन गर्दै आएको जानकारी दिइएको छ ।