कीर्तिपुर नगरपालिका वडा नं. ९ नगाउँस्थित नगाउँ स्पोर्टस् क्लबले आयोजना गरेको दोश्रो कीर्तिपुर नगरपालिका टेबल टेनिस प्रतियोगिता–२०७८ सम्पन्न भएको छ । यही कार्तिक १५ गतेदेखि १८ गतेसम्म बाघभैरव ब्याङ्क्वेटमा भएको उक्त प्रतियोगितामा विभिन्न ६ विधा रहेका थिए । जसमध्ये ५० वर्षभन्दा माथिको भेट्रान खुलामा राजेन्द्र वज्राचार्य प्रथम भएका थिए भने प्रकाश धाख्वा द्वितीय र कपुर शर्मा र राजन सुब्बा तृतीय भएका थिए । ४० वर्षभन्दा माथिको भेट्रान खुलामा जयराम महर्जन प्रथम, राजन सुब्बा द्वितीय र निकेश प्रसाद जोशी र निकेनमान प्रधान तृतीय भएका थिए । त्यसैगरी अन्तर वडा ४० वर्षभन्दा माथिको भेट्रानमा जयराम महर्जन प्रथम, सुधिर महर्जन द्वितीय र सन्त महर्जन र रविन्द्र महर्जन तृतीय भएका थिए । मेन्स सिङ्गल इभेन्टमा जयराम महर्जन प्रथम, प्रशान्त महर्जन द्वितीय र डिलोन श्रेष्ठ र सुधिर महर्जन तृतीय भएका थिए । अण्डर १४ जुनियरमा सफल महर्जन प्रथम, सुरसा महर्जन द्वितीय र विभुती महर्जन र मिचुली महर्जन तृतीय भएका थिए । त्यसैगरी मेन्स टिम इभेन्ट अन्तर्गत वडा नं. ३ प्रथम भएको थियो । जसमा देवरत्न महर्जन, मुकेश महर्जन र सिकेस महर्जन सम्मिलित थिए । वडा नं. १ द्वितीय भएको थियो । जसमा डिलोन महर्जन, सरोज महर्जन र जेनिश महर्जन सम्मिलित थिए । वडा नं. ९ “बि” र वडा नं. ९ “ए” तृतीय भएको थियो । वडा नं. ९ “बि” मा उदीप महर्जन, कुशल महर्जन र गंगाबहादुर महर्जन सम्मिलत थिए भने वडा नं. ९“ए” मा  प्रशान्त महर्जन, सुधिर महर्जन र मन्देश महर्जन सम्मिलित थिए । विजयी खेलाडीहरूलाई कीर्तिपुर नगरपालिकाका प्रमुख रमेश महर्जन, उप–प्रमुख सरस्वती खड्कालगायत वडा अध्यक्षहरूले प्रमाण पत्र, ट्रफिका साथै नगद पुरस्कार प्रदान गर्नुभएको थियो । नेपाल संवत् ११४२ तथा शुभ दिपावलीको उपलक्ष्यमा आयोजित यस प्रतियोगितलाई कीर्तिपुर नगरपालिका वडा नं. ९ को समन्वयमा सम्पन्न भएको हो ।