जैशिदेवल युथ क्लबकाे आयाेजनामा पुष ३ देखि ५ गते सम्म दाेस्राे प्रदेशस्तरीय जुनियर आमन्त्रण मेयर कप तेक्वान्दाे प्रतियाेगिता २०७८ हुने भएकाे छ ।

महिला हिंसा र युवा दुर्व्यसनीकाे विरूद्धमा युवापिढीलाइ खेलकूदमा संलग्न गराउने उद्देश्यले शनिबारदेखि काठमाडाैंकाे दशरथ रंगशाला कभर्ड हलमा प्रतियाेगिता हुने भएकाे छ । याे प्रतियाेगिताले युवा पिढीलाइ राष्ट्रिय तथा अन्तरराष्ट्रिय प्रतियाेगिताकाे लागि सिढिकाे रूपमा मद्दत हुने आयाेजक क्बलले जनाएकाे छ ।

बागमति प्रदेशका भित्रका महानगरपालिका, उपमहानगरपालिका र नगरपालिका गरी १८ वटा टीम र आयाेजककाे २ टीम गरी जम्मा २० वटा टीमले यस प्रतियाेगितामा भाग लिने आज आयाेजित प्रत्रकार सम्मेलनमा क्लबका अध्यक्ष राजेश प्रजापतिले बताउनुभयाे । प्रत्येक टिमबाट २०-२० खेलाडी रहेने गरी प्रतियाेगितामा कूल ४ सय खेलाडी सहभागही हुनेछन् ।

सम्पूर्ण खेलाडीलाइ ब्रेकफास्ट र लञ्च, खेलाडी र प्रशिक्षकहरूलाइ टिसर्ट र सम्पूर्ण निर्णायक तथा कार्यक्रमका अतिथिहरूलाइ ज्याकेटकाे समेत व्यवस्था हुने उक्त प्रतियाेगिताकाे कुल पुरस्कार राशि २ लाख ४ हजार रूपियाँ रहेकाे छ ।

यस प्रतियाेगिताकाे प्रमुख प्रायाेजक काठमाडाैं महानगरपालिका रहेकाे छ । काठमाडाैं महानगरपालिकाबाट प्राप्त ४ लाख र अन्य निकायबाट प्राप्त भएकाे ८ लाख गरी कूल १२ लाख रकम संकलन भएकाे जानकारी प्रेस विज्ञप्तीमार्फत जानकारी दिएका छन् ।

प्रतियाेगितामा बेस्ट फाइटर पुरूष र महिला गरी १५०-१५० अमेरिकी डलर, पुम्से पुरूष तथा महिला, रेफ्री पुरूष तथा महिला र काेचलाइ १०० अमेरिकी डलरका दरले नगद पुरस्कार रहेकाे छ ।

२० गाेल्ड, २० सिल्भर र ४० ब्राेन्जकाे लागि हुने प्रतियाेगिता ८ प्रकारका ताैल समूहका पुरूष र महिला खेलाडीले भाग लिने भएका छन् । गाेल्ड मेडलिस्टकाे हकमा २ हजार रूपियाँ, सिल्भर मेडलिस्टलाइ १ हजार ५ सय रूपियाँ र ब्राेन्ज मेडलिस्ट १ हजार रूपियाँ नगद पुरस्कारकाे घाेषणा भएकाे छ ।