नेकपा एमालेका वरिष्ठ उपाध्यक्ष पूर्व उपप्रधानमन्त्री संघीय संसद सदस्य ईश्वर पोखरेल र काठमाडाैं महानगरका मेयर विद्यासुन्दर शाक्यले शुक्रबार काेटागुठी घरकाे संयुक्त रुपमा उद्घाटन गर्नुभएको छ ।

आफ्नो क्षेत्र भित्रका सबै सम्पदाकाे संरक्षण तथा पुनर्निर्माण गर्ने योजनाअनुसार नै काठमाडौं महानगरपालिकाले ५ वडाको काेटाटाेलमा रहेकाे पुरातात्विक गुठीघरकाे पुनर्निर्माण गराइएको हो ।

‘समुदायको अस्तित्व बचाउन संस्कृति बचाउनु पर्छ । हतियारले समुदायको अस्तित्व समाप्त हुँदैन । संस्कृतिको विनाश भयाे भने समुदायकाे अस्तित्व नै समाप्त हुन्छ’, उद्घाटन कार्यक्रममा पूर्व उपप्रधानमन्त्री पोखरेलले भन्नुभयाे ।

मन्तब्य राख्नेक्रममा मेयर शाक्यले महानगरभित्रका पुननिर्माण गरिएका कुनै पनि सम्पदाको मौलिकता नबिगारिएको बताउनुभयो । ‘सम्पदाको मौलिकता विगार्नु हुँदैन । आवश्यकता आधारमा सुधार गर्न सकिन्छ । हामीले कार्यकालको सुरुदेखि भन्दै आएका हौँ । यसै अनुसार काम पनि गर्दै आएका छौँ ।’

‘सम्पदा पुननिर्माण जस्ता काम थालनी जहिले पनि गर्न सकिन्छ । यसलाई यो वा त्यो वहानामा रोक्नु पर्दैन ।’ मेयर शाक्यले भन्नुभयो, ‘सम्पदा पुननिर्माण गर्न, संस्कार, संस्कृति र परम्परालाई बचाउन महानगर आफैँले पैसा खर्च गर्न सक्छ । कसैसँग माग्नु पर्दैन ।’

वडाले मोक्ष गुठीको पुननिर्माण अन्तिम चरणमा पु¥याएको छ । कार्यक्रममा वडाध्यक्ष रमेश डंगोलले भन्नुभयो, ‘यसका लागि वडाबाट ५१ लाख रुपैयाँ छुट््याएका थियौँ । यो गुठी हाँडीगाउँ द्य छेँभित्र छ ।

कोटा गुठी ४६ लाख रुपैयाँ लागतमा पुननिर्माण भएको हो । यो २ तले छ । उपभोक्ता समितिका अध्यक्ष शुभनारायण डंगालले, महानगरको सहयोगबाट गुठीलाई ठूलो उपलब्धी हासिल भएको बताउनुभयो ।

आज कोटा गुठी भवनको उद्घाटन भएको छ । काठमाढौं महानगरको वडा नं. ५ कोटाटोलमा पुननिर्माण भएको गुठी घर ने त्यस अवसरमा वडाध्यक्ष रमेश डंगोल, वडा सदस्यहरु, उपभोक्ता समितिका पदाधिकारीहरु तथा स्थानीय उपस्थित हुनुहुन्थ्यो ।

हाँडी गाउँमा बसोबास गर्ने नेवार समुदायको व्यक्तिको मृत्यु हुँदा अन्तिम संस्कार गर्ने ८ वटा च्या गुठी छन् । तीमध्ये कोटा गुठी एक हो । यस गुठीमा डंगोल र महर्जन परिवारका १६ गुठीयार हुनुहुन्छ । हाँडीगाउँका यी गुठीहरुलाई लिच्छवीकालीन मानिन्छ । कोटा गुठीमा यमरी पुन्हीको अघिल्लो दिन विशेष पूजा गरिन्छ ।