काठमाडौँ, २५ भदौ – सहिद गङ्गालाल राष्ट्रिय हृदयरोग उपचार केन्द्रले देशका राष्ट्रिय खेलाडीहरूको हरेक वर्ष निःशुल्क स्वास्थ्य परीक्षण गर्ने भएको छ। आज आयोजित कार्यक्रममा स्वास्थ्य तथा जनसङ्ख्यामन्त्री प्रदीप पौडेल र युवा तथा खेलकुदमन्त्री तेजुलाल चौधरीको उपस्थितिमा, राष्ट्रिय खेलकुद परिषद् (राखेप) र गङ्गालाल केन्द्रबीच यो सम्झौतामा हस्ताक्षर भएको हो।

खेलाडीहरूलाई नियमित स्वास्थ्य परीक्षणको सुविधा

सम्झौताअनुसार, केन्द्रले आफ्नै स्रोतबाट आवश्यक आर्थिक व्यवस्थापन गर्नेछ, र यसलाई हरेक वर्ष नवीकरण गरिनेछ। मन्त्री पौडेलले आगामी वर्षका लागि थप स्रोत सुनिश्चित गर्ने प्रतिवद्धता जनाए, जबकि मन्त्री चौधरीले यो कार्यक्रमबाट ७५७ खेलाडी लाभान्वित हुने विश्वास व्यक्त गरे।

पलेशा गोवद्र्धनको परीक्षणबाट कार्यक्रमको सुरूआत

समारोहमा पारा ओलम्पिक कास्य पदक विजेता पलेशा गोवद्र्धनको स्वास्थ्य परीक्षण गरेर यो कार्यक्रमको औपचारिक सुरूआत गरिएको थियो।