बागमती (२७ भदौ) : मकवानपुरमा आर्थिक मन्दी र वित्तीय संस्थाबाट ऋण अभावका कारण आर्थिक वर्ष २०८०/८१ मा ६१० उद्योग बन्द भएका छन्। मकवानपुर उद्योग तथा वाणिज्य कार्यालयका अनुसार दुई सय ६८ उद्योग र तीन सय ३६ वाणिज्य व्यवसायले आफ्नो लगत कट्टा गरेका छन्।

पछिल्लो वर्ष २०७९/८० मा २८३ उद्योग बन्द भएका थिए भने यस वर्ष त्यो संख्या थप वृद्धि भएको छ। कार्यालय प्रमुख रामप्रसाद भुसालले आर्थिक मन्दी, पुँजी अभाव, र बैंकहरूले ऋण नदिएको कारण उद्योग बन्दको संख्या बढेको बताए।

नयाँ उद्योगको दर्तामा पनि कमी आएको छ। २०८०/८१ मा ७०१ नयाँ उद्योग दर्ता भए पनि यो संख्या अघिल्लो वर्षको तुलनामा कम हो।

आर्थिक संकटका बाबजुद २०८०/८१ मा ४६ उद्योगले नामसारी, २४ उद्योगले ठाउँसारी, र ११०८ उद्योगले नवीकरण गरेका छन्। यस्तै, वाणिज्यतर्फ ८५८ पुँजी वृद्धि भएको छ।

यस अवधिमा उद्योग दर्ता, नवीकरण, र अन्य सेवाहरूबाट तीन करोड २२ लाख रुपैयाँ राजस्व संकलन भएको छ।