काठमाडौं, असार ४ । विश्वका धेरै मुलुकहरुले कोरोना विरुद्धको खोप लगाउन नपाएको तथ्य बाहिर आइरहँदा विश्वमा कोरोना संक्रमणका कारण मृत्यु हुनेको संख्या ४० लाख नाघेको अन्तर्राष्ट्रिय समाचार संस्था रोयटर्स जनाएको छ ।
संयुक्त राज्य अमेरिका र बेलायत लगायतका देशहरूमा कोरोना संक्रमणबाट मृत्यु हुनेको संख्यामा कमी आएता पनि डेल्टा प्रजातिको कोरोना भाइरसका कारण विश्वका धेरै देशहरूमा
मृत्यु हुनेको संख्या अत्यधिक बढेको रोयटर्सले उल्लेख गरेको छ ।
कोरोना संक्रमणबाट मृत्यु हुनेको संख्या २० लाख नाघ्न एक वर्ष समय अवधि लागे पनि पछिल्लो छ महिनामा मात्र थप २० लाखले कोरोना संक्रमणबाट ज्यान गुमाएको रोयटर्सको तथ्यांकले देखाएको छ ।
