कीर्तिपुर नगरपालिका वडा नंं ५, विष्ट गाउँका कृषकहरूलाई कृषि सामग्री सहयोग स्वरुप हस्तान्तरण गरेको छ ।

यही कार्तिक १७ गते एक कार्यक्रमका बिच कीर्तिपुर नगरपालिकाका प्रमुख रमेश महर्जन, उप–प्रमुख सरस्वती खड्का, वडा नं. ५ का अध्यक्ष राजेन्द्रकुमार महर्जन, वडा नं. ५ का सदस्य विक्रम महर्जनले उक्त कृषि सामग्री हस्तान्तरण गर्नुभएको थियो ।

हस्तान्तरण गरेको सामग्रीहरूमा डिजिटल तराजु ६ वटा, स्प्रे पम्प ५ वटा, पानी तान्ने पम्प २ वटा, प्लाष्टिक टनेल १६ वटा र हजारी ५ वटा रहेका थिए ।

नेपाल सरकार उद्योग वाणिज्य तथा आपूर्ति मन्त्रालयको आर्थिक सहयोग र कीर्तिपुर नगरपालिकाको आयोजनामा सञ्चालित गरिवी निवारणका लागि लघु उद्यम विकास कार्यक्रम अन्तर्गत आ.व. २०७७/०७८ को कार्यक्रम अन्तर्गत यस कीर्तिपुर नगरपालिका वडा नं. ५ मा रहेको हातेमालो कृषि समूहलाई सो समूहका अध्यक्ष सिताराम थापालाई उक्त सामग्रीहरू सहयोग स्वरुप हस्तान्तरण गरेको हो ।