कीर्तिपुर । नेपालीहरूको ठूला चाड दशैं र तिहार नजिकिंदै गर्दा बजारमा उपभोक्ताहरू नठगिनुन् भनेर कीर्तिपुरमा बजार अनुगमन थालेको छ ।

कीर्तिपुर नगरपालिका उपभोक्ता हित संरक्षण समितिको संयोजनमा भएको बजार अनुगमनमा समितिका संयोजक प्रकाश लुईटेलसहित बाणिज्य, आपूर्ति तथा उपभोक्ता संरक्षण विभागका भगवती अर्याल, सुनिता पोखरेल, शेरबहादुर बस्नेत, खाद्य प्रविधि गुण नियन्त्रण विभागका कौशल ओझाको सहभागिता रहेको थियो ।

समतिले बुधबार कीर्तिपुर नगरपालिका वडा नं. ९ र १० को व्यस्त बजार अमल्सि (नयाँजार) क्षेत्रमा सो अनुगमन गरेको हो । किराना पसल, पाउरोटी उद्योग, मिठाइ पसल, औषधि पसल, डेरी पसल र मासु पसलमा अनुगमन गरेको हो ।

अनुगमनका क्रममा स्थानीय सरकार कीर्तिपुर नगरपालिकामा दर्ता नै नगरेको पनि पाइएको छ भने उनीहरूलाई यथाशीघ्र आवश्यक प्रक्रिया पु¥याएर दर्ता गर्न सुझाव दिएको थियो । उत्पादन गर्ने स्थान फोहोर देखिएकोले ती स्थानहरू सफागरी राख्न भनिएको छ ।

कारोबारका हिसाव किताव पनि हेरिएको अनुगमनका क्रममा मिति नाघिसकेको खाद्य पदार्थ पाइएकोले ती सामानहरू जफत गरि लगिएको छ । विवेक स्टोर, सम्राट बेकरी उद्योग, न्यू पुजा स्वीट्स, चन्द्र सूर्य फर्मा, कीर्तिपुर डेरी, कीर्तिपुर फ्रेस चिकेन पसलमा अनुगमन गरेको थियो ।