काठमाडौंमा आयोजित GRUNT ARM WRESTLING CHAMPIONSHIP 2025 सफलता पूर्वक सम्पन्न भएको छ।

गोविन्द सिंहको आयोजनामा सम्पन्न यो प्रतियोगितामा नेपालभरिका उत्कृष्ट आर्म रेसलरहरू सहभागी भएका थिए। खेलाडीहरूले आफ्नो बल, धैर्य र प्रविधि प्रदर्शन गर्दै उपाधिका लागि प्रतिस्पर्धा गरे।

प्रतियोगितामा विभिन्न तौल समूहका विजेताहरू घोषित भए। ०-६० के.जी. समूहमा सिद्धार्थ श्रेष्ठ च्याम्पियन बने भने सुमन नापित दोस्रो र निश्चल खड्गी तेस्रो भए। ६०-७० के.जी. समूहमा से सङ लिम्बू प्रथम भए, निक जङ शेर्पा दोस्रो र समिक प्रधान तेस्रो स्थानमा रहे। ७०-८० के.जी. समूहमा रोमन महर्जन च्याम्पियन बने, इड्रिम राई दोस्रो र सालोन तामाङ तेस्रो भए। ८० के.जी.भन्दा माथिको समूहमा राहुल शर्मा पहिलो, सरोज घिसिङ दोस्रो र सरोज परियार तेस्रो भए।

प्रतियोगिताको सबैभन्दा ठूलो उपाधि च्याम्पियन अफ च्याम्पियन (COC) रोमन महर्जनले जिते। सिद्धार्थ श्रेष्ठ दोस्रो र राहुल शर्मा तेस्रो भए। प्रतियोगिता भव्य रूपमा सम्पन्न भएको आयोजकले जनाएको छ। आयोजकका अनुसार यस्ता प्रतिस्पर्धाहरूले आर्म रेसलिङ खेलको लोकप्रियता बढाउन मद्दत गर्नेछ।