काठमाडौं । राष्ट्रिय युवा संघ नेपाल १५ वडा कमिटीद्वारा पार्टी कमिटीलाई संयुक्त राजिनामाको चेतावनीसहित ध्यानाकर्षण पत्र बुझाएको छ ।

नेकपा एमालेको भर्खरै सम्पन्न विधान अधिवेशनबाट पारित भएको “एक व्यक्ति एक पद” को अवधारणा काठमाडौं जिल्ला ८ नं. क्षेत्रीय कमिटीमा लागू नभएको भनी उक्त ध्यानाकर्षण पत्रमा भनिएको छ ।

संगठनमा कुनै योगदान नगरेकाहरुलाई चाकडी, चाप्लुसी र गुलामीको भरमा गरिएका नियुक्तीहरुलाई सच्याई एक व्यक्ति एक पदको नीति लागू गर्नेमा युवासंघ नेपाल १५ वडा कमिटी विश्वस्त रहेको पनि बताइएको छ ।

पार्टीकाे नीति विपरित गरिएकाे निर्णय नसच्याए यसले संगठनमा ठूलाे असर पार्नेछन् भनी उक्त पत्रमा लेखिएकाे छ ।

विधान अधिवेशनबाट पारित नीति लागू नभए १५ वडाको पार्टी कमिटी र युवा संघ कमिटीले संयुक्त रुपमा राजिनामा दिने चेतावनी समेत उक्त पत्रमा जनाइएको छ ।