३० जना महिलाको ब्रेस्टमिल्कमा एन्टिबडी

एजेन्सी । विश्वका वैज्ञानिकहरु कोरोना महामारी विरुद्ध खोप, औषधी र विभिन्न उपचारको खोजीमा निरन्तर लागी परेका छन् । वैज्ञानिककाअनुसार चाँडै नै कोरोना संक्रमणको गतिलाई लगाम लाग्नेछ । कोरोनाको संक्रमितहरुको निको हुने आँकडा पनि धेरै नै बढिरहेको छ ।

अब आमाको दुधबाट कोरोनाको उपचार गर्ने भएका छन् । संक्रमित भएर निको भइसकेका महिलाहरुको दूधमा एन्टिबडी पाउन थालेपछि वैज्ञानिकहरु ब्रेस्ट मिल्कबाट कसरी कोरोना निको पार्ने भन्नेतिर लागेका छन् ।

कोरोनाबाट निको भइसकेका ३० महिलाहरुको ब्रेस्ट मिल्कमा कोरोना भाइरसको एन्टिबडी प्राप्त भएपश्चात डच वैज्ञानिकहरुलाई आशाको किरण जागेको छ ।

अब प्लाज्मा थेरापी जस्तै ब्रेस्ट मिल्कको प्रयोग गरेर कोरोना पोजिटिभ भएका बिरामीहरुको प्रतिरक्षा शक्ति बढाउन सकिनेछ । रिपोर्टका अनुसार कोरोना विरामीलाई बचाउन अब ब्रेस्ट मिल्कको उपयोग गर्ने भएको छ ।

वैज्ञानिकहरुले अध्ययनबाट ब्रेस्ट मिल्कमा भएको एन्टिबडी धेरै नै शक्तिशाली भएको बताएका छन् । यसले संक्रमितहरुको शरीरमा कोरोना भाइरसको विरुद्ध इम्युनिटी बढाउन सकिनेछ ।

एन्टिबडिको रुपमा प्रयोग हुने ब्रेस्ट मिल्कलाई आइस क्युब बनाएर कोरोना संक्रमित विरामीहरुलाई चुस्न दिए बिरामीको शरीर भित्रका सबै म्यूकस मेम्बरसमा एन्टिबडी पुग्नेछ ।

शरीरमा बाहरी भाइरसलाई रोक्ने काम म्यूकसले गर्छन् । जब यसलाइ एन्टिबडी प्रोटिन प्राप्त हुन्छ तब यसले कोरोना भाइरसको स्पाइकलाई शरीरभित्र प्रवेश गर्न रोक्ने छ ।