रूपन्देहीमा एकजना काेराेना संक्रमितकाे मृत्यु भएकाे छ । बुटवलमा प्लाज्मा थेरापीबाट उपचारर्थ ७० वर्षीय महिलाकाे मृत्यु भएकाे हाे ।

रुपन्देहीकाे तिलोत्तमा नगरपालिका–२ जानकीनगरकी उनकाे बिहीवाः १०ः३० बजे मृत्यु भएकाे अस्पतालका कोरोना फोकल पर्सनले पुष्टि गरेका छन् ।

उनीलाइ लुम्बिनी प्रादेशिक अस्पतालमा कोरोना संक्रमण मुक्त डा.साजन श्रेष्ठले दिएकाे रगतकाे प्लाज्मा थेरापीबाट उपचार भइरहेकाे थियाे ।

साउन २६ गते कोरोना पोजेटिभ भएकी उनीलाइ साउन ३१ गते अस्पतालमा भर्ना गरेकाे थियाे ।  उच्च रक्तचापकाे समस्या भएकी उनीकाे स्वास्थ्य अवस्था नाजुक हुनाले चारदिनदेखि भेन्टिलेटरमा राखी उपचार गरिरहेका थिए ।

केही दिनअघि मात्र लुम्बिनी प्रादेशिक अस्पताल बुटवलमा कोरोना संक्रमित विरामीहरुको उपचारका लागि प्लाज्मा थेरापी सुरु गरिएको हाे ।

यो विधिबाट कोरोना संक्रमित विरामीहरुको उपचारका लागि चिकित्सकले नै पहिलो पटक रगत दिएर शुरुवात गरेका थिए ।

कोरोना विशेष आईसोलेसन अस्पतालमा भेन्टिलेटरमा रहेकी उनीलाइ प्लाज्मा थेरापीबाट उपचार गर्नका लागि सोही अस्पतालमा कार्यरत चिकित्सकले नै रगत दिएका थिए ।

लुम्विनी प्रादेशिक अस्पतालमै कार्यरत चिकित्सकबाट रगत लिएर बुटवलकी ७० बर्षिय बिरामीको उपचार शुरु गरिएको कोरोना विषेश अस्पतालका फोकल पर्सन डा. सुदर्शन थापाले जानकारी दिएका थिए ।