काठमाण्डौं, २७ साउन। नेपाल बिद्युत प्राधिकरणका नवनियुक्त कार्यकारी निर्देशक कुलमान घिसिङले आज पदभार ग्रहण गर्नु हुने भएको छ ।

मुलुकबाट लोडसेडिङ सदाकालागी अन्त्य गरेका घिसिङलाई ऊर्जा मन्त्रालयको प्रस्तावमा मन्त्रिपरिषद्ले सोमबारको मन्त्रीपरिषद बैठकले पुनःप्राधिकरणको कार्यकारी निर्देशकमा नियुक्त गरेको हो । नेपाल विद्युत् प्राधिकरणमा कुलमानको कमब्याक भएको हो ।

चार बर्षेकार्यकाल सकेर २०७७ भदौ २८ मा बिदा भएका घिसिङले कार्यभार सम्हालेपछि पहिलोपटक काठमाण्डौँलाई लोडसेडिङमुक्त गराउँदै २०७५ साल जेठ १ गते देशभर लोडसेडिङ अन्त्यभएको घोषणा गर्नुभएको थियो ।

प्राधिकरणका निबर्तमान कार्यकारी निर्देशक हितेन्द्रदेव शाक्यलाई बिशिष्ट श्रेणीमा बढुवा गरेर जल तथा उर्जा आयोगको सचिवालयमा पदस्थापन गरिएको छ ।

आयोगमा विशिष्ट श्रेणी पद सिर्जना गरेर शाक्यलाई सरुवा गरिएको हो । शाक्यले अहिले खाइपाइ आएको सुविधा नघट्ने गरी आयोगमा लगिने भएको हो ।