राष्ट्रपति विद्यादेवी भण्डारीले ‘राजनीतिक दलसम्बन्धी (दोस्रो संशोधन) अध्यादेश, २०७८’ खारेज गर्नुभएको छ । मन्त्रिपरिषद्को आजको बैठकले सो अध्यादेश खारेज गर्ने निर्णय गरेको थियो ।

मन्त्रिपरिषद्को निर्णय र प्रधानमन्त्री शेरबहादुर देउवाको सिफारिसमा नेपालको संविधानको धारा, ११४ को उपधारा, २ को खण्ड (ख) बमोजिम राष्ट्रपतिले सो अध्यादेश खारेज गरेकी राष्ट्रपति कार्यालयले जनाएको छ ।

मंगलबार बसेको मन्त्रिपरिषद बैठकले गरेको सिफारिसमा राष्ट्रपति विद्यादेवी भण्डारीले बुधबार दल विभाजन सम्बन्धी अध्यादेश जारी गरेकी थिइन् । उनले जारी गरेक अध्यादेशमा केन्द्रीय समिति वा संसदीय दलमा २० प्रतिशत संख्याका आधारमा दल विभाजन गर्न सक्ने व्यवस्था गरिएको छ ।

सरकारले गत साउनकाे ३२ गते सोमबार संसद अधिबेशन अन्त्य गर्दे भदाै १ गते मंगलबार राजनीतिक दलसम्बन्धी (दोस्रो संशोधन) अध्यादेश जारी गरेको थियो । अध्यादेशलाई राष्ट्रपति बिद्यादेबी भण्डारीले बुधबार प्रमाणीकरण गर्नुभएको थियो ।

अध्यादेश प्रमाणीकरण भए लगत्तै नेकपा एमाले बाट माधब कुमार नेपाल समूह र जनता समाजबादी  पार्टीबाट महन्थ ठाकुर समूहले नयाँ दल दर्ताका लागि निर्बाचन आयोगमा निबेदन पेश गरेका थिए। 

चलिरहेकाे संसदलाइ अन्त्य गरि अध्यादेशमार्फत ए‍ेन संसाेधन गरी एमाले र जसपा पार्टीलाइ फुटाएर नयाँ पार्टी गठन गराइ सरकारले बहुमत हासिल गरेका थिए ।

अध्यादेश खारेज भएपनि अध्यादेश मार्फत भएका काम कारवाही खारेज नहुने प्रावधानले गठबन्धन सरकारमा मन्त्री पद नपाउँदा फेरी पार्टी टुक्राउन प्रवल सम्भावना भएकाे हुनाले याे अध्यादेश खारेज गर्न लगाइएकाे देखिन्छ ।

संविधान संसाेधन गर्न दुइतिहाइ मत चाहिने हुनाले अध्यादेश मार्फत आफु अनुकूल ए‍ेन परिवर्तन गर्ने नजिर बसेकाे छ ।

अबदेखि कुनै पनि संविधान संसाेधन गर्नु परेमा जननिर्वाचित सदस्यहरूले संसदबाट प्रकृयागत रूपमा छलफल गर्नु नपर्ने गरी आफुले चाहे अनुरूप एेन संसाेधन गर्नसक्ने भएकाे छ।