कीर्तिपुर नगरपालिकाले नेपाल संवत् ११४२ नयाँ वर्षको उपलक्ष्यमा आयोजित कीर्तिपुर सिङ्गिङ आइडल–११४२ को उत्कृष्ट दश (टप टेन) छनौट गरेको छ ।

गत शुक्रबार नेपालभाषा एकेदेमि हलमा आयोजित दोश्रो चरण (काराओके राउण्ड) मा प्रस्तुत गरेको प्रस्तुतीको आधारमा उत्कृष्ट दश छनौट गरेको हो ।

प्रतियोगितमा १९ जना सहभागी भए तापनि एक जना विदेश गएकोले जम्मा १८ जना मात्र काराओके राउण्ड (ट्रायकमा गीत गाउने) मा सहभागी हुनु भएको थियो ।

कीर्तिपुरमा ख्यातिप्राप्त संगीतकर्मीहरू हरिशरण सायमि, ज्ञानेश्वर निभाः, सतिश महर्जन, तीर्थ माली,, न्हुच्छे दर्शनधारी, सन्तोष महर्जन, कृष्णहरि महर्जन, रुविन श्रेष्ठ, राजु महर्जन, दिपा महर्जन र रत्न शोभा महर्जनसम्मिलित निर्णायक मण्डलद्वारा बुधबार उक्त प्रतियोगिताको उत्कृष्ट दश छनौट गरिएको हो ।

उत्कृष्ट दशमा पर्न सफल हुनेहरू प्रतियोगी नं. १ प्रशान्त सुवेदी, प्रतियोगी नं. २ जोन महर्जन, प्रतियोगी नं. ६ दिवेन वज्राचार्य, प्रतियोगी नं. ७ रसिक मालाकार, प्रतियोगी नं. ८ अतुल मानन्धर, प्रतियोगी नं. १० निेकश मानन्धर, प्रतियोगी नं. ११ नफिसा महर्जन, प्रतियागी नं. १५ सुदेश महर्जन, प्रतियोगी नं. १७ कृपा बाँस्कोटा र प्रतियोगी नं. १८ एकता महर्जन रहनु भएको छ ।

कीर्तिपुर नगरका १५ वर्षदेखि ३० वर्षसम्मका स्थायी बासिन्दाहरूलाई सांगीतिक क्षेत्रमा आकर्षित गर्ने उद्देश्यले कीर्तिपुर नगरपालिकाले यो गायन प्रतियोगिता (सिङ्गिङ आइडल) को आयोजना गरेको हो ।

छनौटमा पर्न सफल भएका उत्कृष्ट दश जनालाई कीर्तिपुर नगरपालिकाको आयोजक कमिटीले आवश्यक प्रशिक्षण तथा बाहिरी कार्यक्रममा पनि संलग्न गराइने छ भने आउँदो पुष महिनाको पहिलो हप्ता फाइनल प्रतियोगिता गर्ने तालिका रहेको आयोजक कमिटीका संयोजक हरिशरण सायमिले बताउनु भएको छ ।