२ असार, काठमाडाैं । समाजवादी पार्टीकी सरिता गिरी कार्यकर्ता भेटघाटका लागि गृहजिल्ला सिरहा पुगेकी छिन् ।

सरकारले जारी गरेको नयाँ नक्साको विपक्षमा रहेकी सांसद गिरी आज आफ्ना कार्यकर्ता भेट्नका लागि ठाडी भगवानपुरको सीमावर्ती क्षेत्र पुगेकी थिइन् ।

समाजवादी पार्टीले सांसद पदबाटै हटाउने तयारी गरेपछि बिहारबाट चुनाव लड्नेगरी जान्छु भनेर केही नेतालाई धम्की दिएर गिरी भारततर्फ गएको समाचार छ ।

संविधान संशोधनका लागि जेठ ३१ गते प्रतिनिसिभामा भएको मतदान बहिष्कार गरी त्यसको भोलीपल्ट सिरहा गएकी उनी अहिले नयाँ नक्सा र सीमाका विषयमा विवादित भएको हुनाले सुरक्षाको कारण देखाउँदै सुरक्षाकर्मीले उनलाई सीमा क्षेत्रबाट फर्काइएको बुझिएको छ ।

बुबा बिरामी छ भनेर भारत जान खोजेका गिरी लकडाउनमा नाकाहरू बन्द भएका कारणले उता जान पाएन ।

उनी भारत जान लागेकी होइनन्, आफ्ना कार्यकर्ता भेट्न सीमावर्ती क्षेत्रमा गएकी थिइन् र भेटघाट गरी आफैं फर्केकी थिइन् भनेर सिरहाका डिएसपी सरद थापाले बताएको समाचार छ ।

सिरहाको ठाडी नाकाबाट भारत जान खोजेपछि उनलाई सुरक्षाकर्मीले नेपालतर्फ नै फिर्ता गरेका थिए । उनी त्यसपछि कहाँ गइन् भन्ने कुरा आफूलाई जानकारी नभएको सिरहाका प्रमुख जिल्ला अधिकारी सरोज गुरागाईँले जानकारी दिएको समाचार छ।

भारतले अतिक्रमण गरेको भूमिसहितको नक्सालाई संविधानको अनुसूची ३ मा रहेको निशान छापमा अध्यावधिक गर्न भएको संविधान संशोधनको पक्षमा मतदान नगरेपछि उनलाई कारबाही गर्ने तयारी भए पनि अब उनी समाजवादीको बैठकमा उपस्थित नहुने चेतावनी दिएकी समाजवादी पार्टीका एक नेताले बताएको समाचार छ ।