काठमाडाैं, ३ साउन २०७८ ।

नेकपा एमालेका उपाध्यक्ष भीमबहादुर रावलले प्रतिनिधिसभाकाे सदस्य पदबाट राजीनामा दिएका छन् ।

देश र जनविरोधी राजनीतिक अभ्यासको मतियार हुनुभन्दा यसबाट अलग हुनु श्रेष्ठकर भएको भन्दै निर्वाचन क्षेत्र नं १ अछामबाट निर्वाचित रावलले राजीनामा दिएका हुन् ।

‘राजनीतिक तथा देश र जनविरोधी राजनीतिक अभ्यासको हतियार हुनुभन्दा त्यसबाट अलग हुनु राम्राे भएकोले उक्त प्रकारको दुषित खेलबाट आफुले अलग गर्दै प्रतिनिधिसभाको सदस्य पदबाट राजीनामा दिएको छु’, रावलले भने ।

आइतबार प्रतिनिधिसभाकाे सदस्य पदबाट राजनीतिक दुषित खेलबाट आफूलाई अलग गर्दै प्रतिनिधिसभाको सदस्य पदबाट राजीनामा गरेको रावले भने ।

‘केहि समय यता राजनीतिक बृत्तकाे नेतृत्व तहमा देखिएकाे चरम सत्ता र पद लिप्चा एवं निरंकुश किसिमले काम गर्ने अनैतिक चरित्रको घृणित अभ्यास गरेको देख्दा कुनै पनि सच्चा देशभक्त लोकतन्त्र प्रेमी नेपालीको मन रून्छ’, उनले भने ।

राजीनामा दिन्छु भनेर हिँडेका रावलको पछि–पछि सांसद सुरेन्द्र पाण्डे पनि पुगेका थिए। 

एमालेको माधवकुमार नेपाल समूहमा रहेका रावल र पाण्डे पार्टी एक गराउने अभियानमा निरन्तर छलफलमा छन्। 

‘सम्माननीय सभामुखज्यू, (त्यही बेला उनको पछाडि नेता पाण्डे पुगे र उनको हात समाउँदै भने– भित्र जाऊँ, कुरा गरौँ, एकपटक जाऊँ न हिँड्नुस्!)’ 

तर, रावलले मानेनन्, हात हटाउँदै भने, ‘नगर्नु है मलाई, प्लिज, प्लिज, प्लिज! मलाई पत्रकारसँग कुरा राख्न दिनुस्!’