वाग्मती प्रदेशका मुख्यमन्त्री राजेन्द्र पाण्डेले मुख्यमन्त्री पदबाट राजीनामा दिएका छन् ।

उनले प्रदेश प्रमुख यादवचन्द्र शर्मा समक्ष आज राजीनामा  बुझाएका हुन् ।

प्रदेश प्रमुख शर्माले प्रदेशका मुख्यमन्त्री पाण्डेको राजीनामा नेपालको संविधानबमोजिम स्वीकृत गरेका छन् ।

प्रदेश प्रमुख शर्माले मुख्यमन्त्रीको राजीनामा स्वीकृत गरिएको भए पनि प्रदेशको अर्को सरकार गठन नहुँदासम्म मौजुदा मन्त्रिपरिषद्लाई आफ्नो कार्यभार सम्हालिरहन तोक्नुभएको बागमती प्रदेश प्रमुखको स्वकीय सचिवालयले जनाएको छ ।

मुख्यमन्त्री पाण्डेले गत मङ्सिर ४ गते सम्पन्न भएको प्रतिनिधिसभा सदस्य निर्वाचनमा धादिङको निर्वाचन क्षेत्र नं १ बाट निर्वाचित हुनुभई बिहीबार मात्र मात्रै प्रतिनिधिसभा सदस्यको शपथ लिएका थिए ।

मुख्यमन्त्री पदबाट राजीनामा नदिइ प्रतिधिसभा सदस्यमा विहिबार शपथ ग्रहण गरेपछि उनको चौतर्फी आलोचना भएको थियो । शपथ ग्रहण पछि पाण्डेले आज राजीनामा दिने बताएका थिए ।

पाण्डे नेकपा एकीकृत समाजवादीको तर्फबाट पाण्डे मुख्यमन्त्रीमा चुनिएका थिए ।